سکرین کے بغیر کمپیوٹر بہت جلد آنے والا ہے

مائیکروسافٹ کے موجد ایلکس کپمین نے TED کے سان فرانسسکو میں ہونے والے ایک اجلاس کے دوران مستقبل کی کمپیوٹر سکرین کی ایک جھلک پیش کی۔ ان کی رائے میں ٹیکنالوجی کا مستقبل سہ جہتی ہولوگرام سے وابستہ ہو گا۔

اپنے سر پر HoloLens 'ہولو لینز‘ آگمینٹڈ ریئیلٹی کا آلہ پہنے جب کپمین اسٹیج پر پہنچے تو وہ ایک جادوگر کے مانند دکھائی دے رہے تھے۔ مائیکروسافٹ کی ٹیم ہولو لینز کو جلد ہی مارکیٹ میں پیش کرنے کی کوششوں میں مصروف ہے۔

مائیکروسافٹ کے موجد نے کمپیوٹر سکرین کے بغیر ہولو لینز ٹیکنالوجی کے ذریعے دلکش اور جادوئی مناظر دکھائے، کمپیوٹر پر کام کیا اور یہاں تک کہ انہوں نے ناسا کے ایک سائنس دان کا ہولوگرام طلب کر کے اس کے ساتھ گفتگو بھی کی۔

ایکس باکس میں کائنیکٹ موشن ٹریکنگ کے خالق کپمین کا کہنا تھا کہ وہ ہولو لینز ٹیکنالوجی کو ترقی دیتے ہوئے ایسی منزل تک پہنچا دیں گے کہ موبائل اور کمپیوٹر کی اسکرین اور کی بورڈ جیسی چیزیں ماضی کا قصہ بن جائیں گی۔

مائیکروسافٹ فی الحال یہ ٹیکنالوجی تین ہزار ڈالرز کے عوض صرف ڈیویلپرز کو فروخت کر رہی ہے

ان کا کہنا تھا، ’’میں روایتی کمپیوٹر کی دو جہتی حدود سے خود کو آزاد کرنے کی بات کر رہا ہوں۔ ٹیکنالوجی کے اعتبار سے اس وقت ہماری حیثیت ایسی ہے، جیسے ہم غاروں میں رہ رہے ہوں۔‘‘

حاضرین کے سامنے انہوں نے اس جدید ہولوگرام ٹیکنالوجی کا مظاہرہ کیا۔ ہولولینز آلہ پہن کر ان کے گرد 3D مصنوعی ماحول بن گیا، جس میں کبھی وہ ایک غار کے ماحول میں دکھائی دیے تو کبھی وہ چاند کی سطح پر چل رہے تھے اور پھر وہ ہوا ہی میں ٹی وی اسکرین کھڑی کر کے اسے دیکھنا شروع ہو گئے۔

ان کا مزید کہنا تھا، ’’ڈیجیٹل سپیس ہمیں زمان و مکان کی حدود سے نکل جانے کی جادوئی قوت فراہم کرتی ہے۔ میرے خیال میں ہماری آئندہ نسل کی پرورش سہ جہتی التباسی ماحول میں ہو گی۔‘‘

حاضرین کے سامنے اس بات کا عملی مظاہرہ کرنے کے لیے انہوں نے خلائی ادارے ناسا سے تعلق رکھنے والے سائنسدان جیف نورِس کا مصنوعی ہیولا طلب کر کے اس سے گفتگو بھی کی۔ نورس نے حاضرین کو بتایا کہ ناسا میں اس ٹیکنالوجی کا استعمال گزشتہ کئی برسوں سے کیا جا رہا ہے۔

نورِس کے مطابق، ’’سالوں سے ہم اپنی کرسی پر بیٹھے ہوئے خلا میں موجود اپنے اسٹیشن اور اس سے پرے کی دنیا کا نظارہ یوں کر رہے ہیں، جیسے ہم وہیں موجود ہوں۔‘‘

مائیکروسافٹ فی الحال یہ ٹیکنالوجی تین ہزار ڈالرز کے عوض صرف ڈیویلپرز کو فروخت کر رہی ہے۔ کمپنی نے ابھی یہ نہیں بتایا کہ اسے عام لوگوں کے لیے کب اور کس قیمت پر فروخت کیا جائے گا۔

’گیمز کوم‘: کمپیوٹر گیمز کا سب سے بڑا عالمی میلہ

ایکس باکس اور پلے اسٹیشن

گیمز کوم میں شائقین اُن بہت سے کمپیوٹر گیمز سے محظوظ ہو سکتے ہیں، جو اگلے مہینوں کے دوران مارکیٹ میں دستیاب ہوں گے۔ اس مرتبہ بھی بڑے کونزولس والے کھیلوں کی مانگ زیادہ دکھائی دے رہی ہے۔ ان میں مائیکروسافٹ کا ’ایکس بوکس‘ اور سونی کا ’پلے اسٹیشن‘ سرفہرست ہیں۔
’گیمز کوم‘: کمپیوٹر گیمز کا سب سے بڑا عالمی میلہ

دنیا بھر کی نمائندگی

کولون کی میلے میں 45 ممالک سے تعلق رکھنے والے آٹھ سو سے زائد نمائش کنندگان موجود ہیں۔ اس نمائش گاہ میں ایک لاکھ نوّے ہزار مربع میٹر پر ہر جانب ڈیجیٹل کھیل ہی دکھائی دے رہے ہیں۔
’گیمز کوم‘: کمپیوٹر گیمز کا سب سے بڑا عالمی میلہ

پیچیدہ کھیل

ماہرین کے مطابق کمپیوٹر گمیز کی مارکیٹ وقت کے ساتھ ساتھ وسیع ہوتی جا رہی ہے اور ساتھ ہی ان کھیلوں میں پیچیدگی بھی بڑھ رہی ہے۔ ماضی کے بہت سے کھیلوں کو جدید بنا کر ایک مرتبہ پھر متعارف کرایا گیا ہے۔
’گیمز کوم‘: کمپیوٹر گیمز کا سب سے بڑا عالمی میلہ

سونی کا منفرد منصوبہ

کولون کے اس میلے میں سونی نے اپنے تھری ڈی پروجیکٹ ’ Morpheus ‘ کو ایک نئے انداز کے ساتھ متعارف کرایا ہے۔ سونی کے بقول ان کھیلوں کو بہت سوچ و بچار کے بعد تیار کیا گیا ہے۔ اسے کھیلنے والا ایک نئی دنیا میں پہنچ جاتا ہے۔ ان کھیلوں میں جہاں تفریح ختم ہوتی ہے، وہاں سے اسٹریس شروع ہو جاتی ہے۔
’گیمز کوم‘: کمپیوٹر گیمز کا سب سے بڑا عالمی میلہ

ایرانی گیم ساز ادارہ

اس سال ایران کی نمائندگی کے لیے’ایران گیم ڈیویلپمنٹ انسٹیٹیوٹ‘ اس میلے میں موجود ہے۔ ایران کے ’Hate the Sin Love the Sinner‘ نامی کھیل کو 2013ء میں گیمز کنیکشن ایشیا نامی میلے اور تہران گیمز فیسٹیول میں بہترین ڈیزائن کا ایوراڈ دیا جا چکا ہے۔
’گیمز کوم‘: کمپیوٹر گیمز کا سب سے بڑا عالمی میلہ

اسمارٹ فون اور گیمز

ماہرین کے مطابق اسمارٹ فونز نے گیمز کی دنیا کو بھی بدل کر رکھ دیا ہے۔ اب آپ کو ہر جگہ لوگ موبائل فونز پر گیمز کھیلتے نظر آتے ہیں۔ بچے، نوجوان حتیٰ کہ بالغ افراد بھی فارغ وقت میں اسمارٹ فونز پر گیمز کھیلنا پسند کرتے ہیں۔
’گیمز کوم‘: کمپیوٹر گیمز کا سب سے بڑا عالمی میلہ

لاکھوں شائقین

گیمز کوم کی انتظامیہ کو امید ہے کہ اتوار نو اگست تک جاری رہنے والے اس میلے کو دیکھنے کے لیے تقریباً چار لاکھ سے زائد افراد کولون کو رخ کریں گے۔ پچھلے برس تقریباً ساڑھے تین لاکھ شائقین اس میلے کو دیکھنے آئے تھے۔
’گیمز کوم‘: کمپیوٹر گیمز کا سب سے بڑا عالمی میلہ

ونڈوز دس

مائیکرو سافٹ کا ایکس باکس ونڈوز 10 سافٹ ویئر سے آراستہ ہے اور یہ نومبر سے دستیاب ہو گا۔ مستقبل میں ونڈوز 10 والے تمام ایکس باکس انٹرنیٹ پر لائیو اسٹریمنگ کے ذریعے ایک دوسرے سے منسلک کیے جا سکیں گے۔

مصنف: عدنان اسحاق

DW.COM

سمارٹ فون سے کیمرہ انڈسٹری پریشان حال

حالیہ برسوں میں جدید اسمارٹ فونز اور اِس میں نصب کیمرے نے ایک انقلاب پیدا کر دیا ہے۔ سمارٹ فونز استعمال کرنے والے اب باقاعدہ کیمرے کے بجائے تصویر بنانے کے لیے اسمارٹ فونز کو ہی استعمال کرنے لگے ہیں۔ (10.02.2016)

پسینے سے صحت کا حال بتانے والی نئی ڈیوائس

کلائی میں پہنے جانے والے ایسے بینڈ تو اب عام ہیں جو یہ بتاتے ہیں کہ آپ کتنے قدم چلے، کتنی کیلوریز خرچ کیں، یا دل کی دھڑکن کی رفتار کیا رہی، مگر اب ایک نئی ڈیوائس جسم کی اندرونی تبدیلیوں پر بھی نظر رکھے گی۔ (28.01.2016)

الیکٹرانک مصنوعات کا بڑا میلہ: نئے حیران کن رجحانات

امریکی شہر لاس ویگاس میں عنقریب شروع ہونے والے میلے ’CES‘ میں مختلف کمپنیاں اور الیکٹرانک ادارے ٹیکنالوجی کے شعبے میں نئے رجحانات اور نئی ایجادات کے ساتھ شامل ہوں گے لیکن وہاں ایک نیا رجحان پروان چڑھ رہا ہے، وہ کیا ہے؟ (05.01.2016)