1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

سچن تندولکر پھر آؤٹ، اتنظار لمبا ہو گیا

معجزاتی بلے باز تندولکر ممبئی کے وان کھیڑے اسٹیڈیم میں جاری ٹیسٹ میچ کے چوتھے دن کے آغاز پر94 کے انفرادی اسکور پر اپنی وکٹ گنوا بیٹھے۔ سچن کی 100ویں بین الاقوامی سنچری کے لیے اب ان کے مداحوں کو مزید انتظار کرنا پڑے گا۔

default

سچن تندولکر

اسٹار بلے باز سچن رامیش تندولکر نے دنیائے کرکٹ میں کئی ریکارڈ بنانے کے علاوہ اپنے بین الاقوامی کیریئر میں 99 سنچریاں بنانے کا اعزاز حاصل کر رکھا ہے۔ اب شائقین کو انتظار ہے کہ وہ سو سنچریاں بنانے کا اعزاز کب حاصل کرتے ہیں۔

ویسٹ انڈیز نے جب بھارت کا دورہ شروع کیا تھا تو بھارتی کپتان مہندر سنگھ دھونی نے کہا تھا کہ شائقین کواس بات پر پریشان نہیں ہونا چاہیے کہ سچن کی 100ویں سنچری کب ہو گی، کیونکہ بقول دھونی کے یہ تو ہونا ہی ہے۔ انہوں نے کہا تھا کہ آج نہیں کل یہ ہو کر رہے گا۔

لیکن شائقین تو پھر شائقین ہی ہوتے ہیں اور انہوں نے ویسٹ انڈیز کے خلاف سیریز شروع ہوتے ہی ہر میچ میں اندازے لگانا شروع کر دیے کہ اب نہیں تو اب سچن ایک اور منفرد عالمی ریکارڈ قائم کر ہی لیں گے۔ لیکن ہر مرتبہ انہیں مایوسی ہی ہوئی۔

Cricket Sachin Tendulkar

سچن تندولکر ریکارڈ ساز بیٹسمین ہیں

اب تیسرے ٹیسٹ میچ میں امکانات کافی روش ہو گئے تھے کہ شائد اب سچن تندولکر واقعی ہی 100 ویں سنچری اسکور کر ہی لیں گے لیکن ایک وہ 94 پر اپنی وکٹ کھو بیٹھے۔ ممبئی ٹیسٹ تو ڈرا ہونے کی سمت رواں ہے ہی لیکن اس میچ میں تندولکر کی سنچری اس کو ایک یادگار میچ بنا سکتی تھی۔

سچن کے ہوم گراؤنڈ ممبئی میں کھیلے جا رہے اس ٹیسٹ میچ کے چوتھے دن کے آغاز پر سچن تندولکر نے تیسرے دن کے اپنے انفرادی اسکور 67 پر اننگز شروع کی تو انہوں نے انتہائی محتاط بلے بازی کا مظاہرہ کیا۔ لیکن آخر کار وہ روی رامپال کی گیند کو کھیلتے ہوئے سیکنڈ سلپ میں ڈیرن سامی کو کیچ دے بیٹھے اور یوں ان کے شائقین کے چہرے ایک مرتبہ پھر مرجھا گئے۔

سچن تندولکر نے اب تک ٹیسٹ میچوں میں 51 جبکہ ایک روزہ میچوں میں اڑتالیس سنچریاں بنا رکھی ہیں۔ اب ایک مرتبہ پھر انتظار شروع ہو گیا ہے کہ سچن تندولکر کب اور کہاں یہ ریکارڈ بنائیں گے۔

رپورٹ: عاطف بلوچ

ادارت: عابد حسین

DW.COM