1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سائنس اور ماحول

سٹاک ہولم واٹر پرائز امریکی ماہر کارپینٹر کے لیے

امریکی محقق سٹیفن کارپینٹر کو جھیلوں کے ماحولیاتی نظاموں سے متعلق ان کی ریسرچ کی بنیاد پر اس سال کے س‍ٹاک ہولم واٹر پرائز کا حقدار قرار ٹھہرایا گیا ہے۔

default

اس امریکی ماہر کو یہ انعام دینے کا فیصلہ اس بارے میں ان کی تحقیق کی بنیاد پر کیا گیا کہ انہوں نے یہ وضاحت کردی تھی کہ جھیلوں کے قدرتی ماحولیاتی نظام انسانوں کے علاوہ اپنے ارد گرد کے ماحول سے کس طرح متاثر ہوتے ہیں۔

سٹاک ہولم واٹر پرائز کی جیوری کےاعلان کے مطابق سٹیفن کارپینٹر کی تحقیق سے اس بارے میں بڑی مدد ملی کہ پانی کے وسائل کا بہتر انتظام کس طرح کیا جا سکتا ہے۔ 59 سالہ کارپینٹر امریکی شہر Madison میں یونیورسٹی آف Wisconsin میں حیاتیات اور Limnology کے پروفیسر ہیں۔ اس اعزاز کے ساتھ انہیں ڈیڑھ لاکھ ڈالر کے برابر نقد انعام بھی دیا جائے گا۔

Kaptai Lake in Bangladesh Flash-Galerie

سٹیفن کارپینٹر کی تحقیق سے اس بارے میں بڑی مدد ملی کہ پانی کے وسائل کا بہتر انتظام کس طرح کیا جا سکتا ہے

پروفیسر کارپینٹر کو سٹاک ہولم واٹر پرائز اس سال 25 اگست کو ہونے والی ایک تقریب میں ورلڈ واٹر ویک کے دوران سویڈن کے دارالحکومت میں شاہ کارل گسٹاف کی طرف سے دیا جائے گا۔

سویڈش دارالحکومت سے آمدہ رپورٹوں میں بتایا گیا ہے کہ سٹیفن کارپینٹر کی ریسرچ سے بہت سے ماہرین کو یہ سمجھنے میں بھی مدد ملی کہ آبی ذخائر کے طور پر جھیلوں کے ecosystem معدنیات اور مختلف قسموں کے جانوروں کی موجودگی اور ماہی گیری جیسے عوامل سے کس طرح اور کس حد تک متاثر ہوتے ہیں۔

گزشتہ برس سٹاک ہولم واٹر پرائز امریکی خاتون ریسرچر Rita Colwell کو دیا گیا تھا۔ اس کی وجہ اس امریکی سائنسدان کی طرف سے پانی سے پھیلنے والی ہیضے جیسے متعدی بیماریوں سے متعلق نئی تحقیق بنی تھی۔ یہ سالانہ انعام دینے کا سلسلہ سن 1990 میں شروع ہوا تھا۔

رپورٹ عصمت جبیں

ادارت شادی خان سیف

DW.COM

ویب لنکس