1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

سوات میں خودکش حملہ، رکن صوبائی اسمبلی ہلاک

منگل کے روز پاکستان کے صوبہ سرحد کی وادی سوات کے علاقے میں ایک خودکش بم حملے میں رکن صوبائی اسمبلی شمشیر علی خان سمیت دو افراد ہلاک جبکہ متعدد زخمی ہوگئے۔

default

پاکستانی صوبہ سرحد گزشتہ طویل عرصے سے دہشت گردانہ حملوں کی لپیٹ میں ہے

سوات میں پولیس کے سربراہ قاضی غلام فاروق کے مطابق یہ حملہ کانجو کے علاقے میں کیا گیا۔ عوامی نیشنل پارٹی سے تعلق رکھنے والے رکن صوبائی اسمبلی شمشیر علی خان طالبان کی عسکریت پسندی کے شدید مخالف تھے اور اس بارے میں اکثر بڑے تند و تیز بیانات بھی دیتے رہے تھے۔

پشاور میں صوبہ سرحد کی صوبائی اسمبلی کے رکن شمیر علی خان اپنے بھائی اور دیگر افراد سمیت عید کے موقع پر مہمانوں سے ملاقاتیں کر رہے تھے کہ خودکش حملہ آور نے مہمان خانے میں خودکو دھماکہ خیز مواد اڑا دیا۔ اس حملے میں شمشیر علی خان کے بھائی بھی ہلاک ہوگئے۔ ہسپتال ذرائع نے اس حملے میں دو افراد کی ہلاکت کی تصدیق کرتے ہوئے بتایا ہے کہ گیارہ دیگر افراد کو زخمی حالت میں ہسپتال پہنچا دیا گیا ہے۔

کئی ہفتوں تک جاری رہنے والے آپریشن ’راہ راست‘ کے بعد ابھی کچھ عرصے قبل ہی پاکستانی فوج نے سوات کے علاقے سے طالبان کے مکمل خاتمے کا اعلان کیا تھا۔

رپورٹ : عاطف توقیر

ادارت : مقبول ملک