1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

سوائن فلو یورپ پہنچ گیا

سوائن وائرس میکسیکو کے بعد اب یورپ بھی پہنچ گیا ہے۔ ہسپانوی حکومت نے تصدیق کردی ہے کہ میکسیکو میں سوائن وائرس سے متاثر ہونے والا ایک شخص اسپین پہنچا اور اس طرح براعظم یورپ میں سوائن فلو کا پہلا کیس ریکارڈ کیا گیا۔

default

ابتدائی طور پر معلوم ہوا ہے کہ یہ بیماری سوروں سے پھیلتی ہے

سوائن وائرس ایک ایسی بیماری ہے جو سوروں سے انسانوں میں منتقل ہوجاتی ہے۔ حکام کے مطابق میکسیکو میں اس بیماری سے اب تک 100سے زائد افراد موت کا شکار ہوگئے ہیں۔ واشنگٹن میں طبّی حکام کا کہنا ہے کہ اب تک وہاں ریکارڈ کئے گئے سوائن وائرس کیسز کی تعداد بیس ہے۔

Schweinegrippe Mexico

میکسیکو میں اس بیماری سے اب تک 100سے زائد افراد ہلاک ہوچکے ہیں

ہنگامی حالات کو دیکھتے ہوئے یورپی کمیشن کے وزراء صحت نے ایک ایمرجنسی میٹنگ بھی طلب کی ہے جبکہ مسافروں کو میکسیکو کا سفر کرنے کے حوالے سے احتیاط برتنے کو کہا گیا ہے۔ دریں اثناء سوائن وائرس کے خوف سے عالمی منڈیاں بھی مندی کا شکار ہوگئی ہیں۔

جرمنی کے مشہور سیاحتی گروپ TUI نے سوائن فلو کے باعث پانچ مئی تک میکسیکو سٹی کے دوروں کو منسوخ کرنے کا فیصلہ کیا ہے۔ دوسری جانب جرمن فضائی کمپنیوں Lufthansa اور Air Berlin نے کہا ہے کہ ابھی تک مسافروں کی طرف سے میکسیکو کے لئے ریزرویشنز میں کوئی واضح کمی دیکھنے میں نہیں آئی ہے۔

لفتھانزا کے ایک ترجمان نے بتایا کہ سوائن فلو اس کمپنی کے لئے اتنا کوئی بڑا مسئلہ نہیں ہے تاہم اتوار سے ہی تمام پروازوں میں مسافروں کو اس بیماری کے بارے میں ’’لیف لیٹز‘‘ کے ذریعے آگاہ کیا جارہا ہے۔