1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

سوئٹزرلینڈ کی ٹیم یورو کپ سے قبل ازوقت باہر

یورپی فٹ‌ بال چیمپئین شپ کے میزبان ملکوں آسٹریا اور سوئٹزرلینڈ میں سےسوئٹزرلینڈ کی ٹیم اپنا دوسرا میچ بھی ہار جانے کے بعد ان مقابلوں سے قبل از وقت ہی خارج ہو گئی ہے۔

default

یورو کپ 2008 میں حصہ لینے والی سوئٹزرلینڈ کی قومی فٹ بال ٹیم

بازل میں سوئٹزرلینڈ کا مقابلہ کل رات ترکی سے ہوا جس میں ترکی نے یہ میچ ایک کے مقابلے میں دو گول سے جیت لیا۔ یوں سوئس ٹیم کے کوارٹر فائنل تک پہنچنےکا اب کوئی امکان نہیں ہے حالانکہ اسے ابھی ایک اورگروپ میچ کھیلنا ہے۔

اس سے پہلے کل رات ہی پرتگال کا مقابلہ چیک جمہوریہ سے تھا جو پرتگال نے ایک کے مقابلے میں تین گول سے جیت لیا۔ یوں گروپ A میں سے پرتگال کا کوارٹر فائنل تک پہنچنا یقینی ہو گیا ہے۔

یورو کپ 2008 کے گروپ B میں آج جمعرات کے روز آسٹریا کے شہر کلاگن فرٹ میں جرمنی کا مقابلہ کروشیا سے ہوگا جبکہ پولینڈ کی ٹیم اپنا دوسرا میچ آسٹریا کے خلاف ویانا میں کھیلےگی۔