1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

سندھ ہائی کورٹ کے آٹھ معزول ججز نے پھر سے حلف اٹھا لیا

آزاد عدلیہ کی بحالی کو آج بھی پاکستان کا سب سے بڑا مسئلہ تصور کیا جا رہا ہے۔ اسی مسئلے پر مسلم لیگ ن نے حکمران جماعت پیپلز پارٹی کے ساتھ اپنا پانچ ماہ طویل اتحاد بھی توڑ ڈالا۔

default

کراچی میں سندھ ہائی کورٹ کے معزول ججز نے نیا حلف اٹھایا

تاہم حکمران اتحاد کے ٹوٹنے کے بعد آج سندھ ہائی کورٹ کے آٹھ معزول ججوں نے حلف اُٹھا لیا ہے۔ ان ججوں کی بحالی کا حکم سابق صدرریٹائرڈ جنرل پرویز مشرف نے استعفی دینے سےقبل دے دیا تھا لیکن مسلم لیگ ن اور پیپلز پارٹی کے درمیان اس پر اختلافات ہونے کی وجہ سے فیصلے پر عمل درآمد نہیں ہو سکا تھا۔

سیکریٹری قانون آغا رفیق احمد کے مطابق: ’’ باقی معزول ججوں کی بحالی کا نوٹیفیکیشن بھی جلد جاری ہو جائے گا۔‘‘ تا ہم ان کا کہنا تھا کہ انہیں لاہور ہائی کورٹ کے ججوں کی بحالی کے بارے میں علم نہیں ہے۔

سندھ ہائی کورٹ بار ایسوسی ایشن کے صدر رشید رضوی نے اس اقدام کو حکومتی سازش قرار دیا ہے اور کہا ہے کہ سندھ کے جج صاحبان اپنے دیگر ساتھیوں کو تنہا چھوڑرہے ہیں اور یہ اقدام وکلاء تحریک کے لئیے بھی مثبت ثابت نہ ہو گا۔

Audios and videos on the topic