1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

سمندری طوفان ارما، کیریبیئن کے علاقے میں تباہی مچاتا ہوا

سمندری طوفان ارما نے کیریبیئن کے جزائر باربودا اور سینٹ مارٹن میں شدید تباہی مچائی ہے۔ اس سمندری طوفان کی وجہ سے کم از کم سات افراد ہلاک ہو گئے ہیں۔

کیٹیگری پانچ کے اس تاریخی سمندری طوفان کا رخ اب شمال کی جانب پورٹو ریکو کی جانب ہے۔ بدھ کی شب پورٹو ریکو سے ٹکرانے کے بعد ممکنہ طور پر اس کا رخ جنوبی فلوریڈا کی جانب ہو جائے گا اور وہاں سے احتیاطی طور پر متعدد علاقے خالی کرائے جانے کا امکان ہے۔

سینٹ مارٹن کے جزیرے کے فرانسیسی میں اس سمندری طوفان کی وجہ سے قریب پچانوے فیصد حصہ شدید متاثر ہوا ہے، جب کہ یہاں چھ افراد کی ہلاکت کی اطلاعات ہیں۔ یہ علاقہ رات کی پارٹیوں اور تفریح کے لیے مشہور ہے۔

ہیوسٹن، ہاروی سے شدید متاثر

بنگلہ دیش میں سمندری طوفان، سینکڑوں گھر تباہ

مقامی عہدیدار ڈینیل گِبس نے ایک ریڈیو انٹرویو میں بتایا، ’’یہ غیرمعمولی تباہی ہے۔ جزیرے کا 95 فیصد حصہ تباہ ہو چکا ہے۔ میں شدید دھچکے کا شکار ہوا اور یہ تباہی لرزہ خیز ہے۔‘‘

سینٹ مارٹن کا جزیرہ ڈچ اور فرانسیسی ٹکڑوں میں بٹا ہوا ہے اور اس سمندری طوفان کی وجہ سے مقامی افراد کو پینے کے پانی کی قلت اور بجلی کی عدم دستیابی کا سامنا ہے۔ مقامی حکام کے مطابق یہاں ہلاکتوں کی تعداد میں اضافہ یقینی معلوم ہوتا ہے۔

فرانسیسی صدر ایمانوئل ماکروں نے اپنے ایک بیان میں کہا کہ یہاں ہلاکتوں کی تعداد ’ظالمانہ حد تک‘ زیادہ ہو سکتی ہے۔

Bildergalerie Irma Satellitenaufnahme über Puerto Rico (Reuters/NOAA)

یہ طاقت ور طوفان دو جزائر پر مکمل تباہی کا باعث بن چکا ہے

سینٹ مارٹن کے جنوب مشرق میں واقع باربودا کا جزیرہ بھی اس سمندری طوفان سے شدید تباہی کا شکار ہوا ہے اور یہاں بھی 95 فیصد املاک تباہ ہو گئی ہیں۔ مقامی حکام کے مطابق اس جزیرے پر 30 فیصد املاک تباہ ہو چکی ہیں

خبر رساں ادارے اے ایف پی کے مطابق باربودا کا جزیرہ کسی ملبے کے ڈھیر میں تبدیل ہو چکا ہے اور یہاں فی الحال ایک بچےکی ہلاکت کی اطلاع ہے۔ اس جزیرے کی مجموعی آبادی 16 سو ہے۔

ویڈیو دیکھیے 01:29

بھارت میں سمندری طوفان ’وردھا‘

DW.COM

Audios and videos on the topic