1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

سرمائی اولمپکس،میڈل ٹیبل پر اب امریکہ آگے

کینیڈا میں جاری اکیسویں سرمائی اولمپکس مقابلوں میں امریکہ چودہ میڈل جیتنے کے بعد میڈل ٹیبل پر پہلے نمبر پر آگیا ہے جبکہ جرمنی دوسرے نمبر پر ہے جس نے ابھی تک دس میڈل اپنے نام کئے ہیں۔

default

امریکی کھلاڑی Lindsey Vonn خواتین کی downhill ریس کے دوران

ان مقابلوں کے پانچویں روز کے اختتام تک چوراسی ایونٹس کے نتائج سامنے آ چکے ہیں۔ امریکہ نے ابھی تک پانچ سونے کے، تین چاندی کے جبکہ چھ کانسی کے تمغے جیتے ہیں۔ امریکی کھلاڑیوں نے مردوں کے ایونٹس میں تین جبکہ خواتین کے مقابلوں میں دو سونے کے تمغے حاصل کئے ہیں۔

امریکی کھلاڑیوں نے سنو بورڈنگ میں دو، الپائن اسکیئنگ، فری اسٹائل اسکیئنگ اور سپیڈ اسکیٹنگ مقابلوں میں ایک ایک گولڈ میڈل حاصل کیا۔

Olympische Spiele Vancouver Eisschnelllauf Jenny Wolf

جرمن کھلاڑی جینی وولف سپیڈ اسکیٹنگ کے دوران

اس وقت ان کھیلوں میں میڈل جیتنے کے حوالے سے جرمنی دوسرے نمبر پر ہے۔ مردوں کے مقابلوں میں جرمنی ایک تمغے جیت چکا ہے جبکہ خواتین مقابلوں میں اس وقت میڈل جیتنے کی دوڑ میں جرمنی سب سے آگے ہے۔ خواتین مقابلوں میں جرمنی نے مجموعی طور پر چھ تمغے حاصل کئے ہیں۔ جن میں دو سونے کے تمغوں کے علاوہ تین چاندی اور دو کانسی کے میڈل بھی جیتے ہیں۔ جرمنی نے دو سونے کے تمغے Luge جبکہ سونے کا ایک تمغہ Biathlon مقابلوں میں جیتا ہے۔

میڈل جیتنے کے حوالے سے اس وقت فرانس تیسرے جبکہ کینیڈا چوتھے نمبر پر ہے۔ دونوں نے بالترتیب سات اور چھ تمغے حاصل کئے ہیں۔ ان دونوں ممالک نے سونے کے دو دو تمغے جیتے ہیں۔ دوسری طرف جنوبی کوریا اس دوڑ میں اگرچہ ابھی تک پانچویں نمبر پر ہے تاہم اس نے سونے کے تین تمغے حاصل کر لئے ہیں۔

رپورٹ: عاطف بلوچ

ادارت: کشور مصطفےٰ

DW.COM