1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

سربیا میں صدارتی انتخابات کا پہلا مرحلہ غیر فیصلہ کن

سربیا میں ہونے والے صدارتی انتخابات کا پہلا مرحلہ، کوسووو کے تنازعے کے پس منظر میں، انتہائی قوم پسند سیاستدان Tomislav Nikolic نے جیت لیا ہے۔ کل اتوار کے روز ہونے والے ان انتخابات میں ووٹروں کی شرکت کا تناسب 60 فیصد سے زائد رہا۔

ٹومسلاو نکولچ بیلغراد کے ایک پولنگ اسٹیشن پر اپنا ووٹ ڈالتے ہوئے

ٹومسلاو نکولچ بیلغراد کے ایک پولنگ اسٹیشن پر اپنا ووٹ ڈالتے ہوئے

ابتدائی غیر سرکاری نتائج کے مطابق انتہائی قوم پسندانہ سوچ کی حامل ملکی اپوزیشن کے رہنما ٹومسلاو نکولچ کو تقریباً 39 فیصد ووٹ حاصل ہوئے ۔ اپنے دوبارہ انتخاب کے خواہش مند موجودہ صدر Boris Tadic کو بھی کافی ووٹ ملے لیکن 35 فیصد تائید کے ساتھ وہ دوسرے نمبر پر رہے جبکہ باقی سات صدارتی امیدواروں میں سے کسی کو بھی کوئی خاص حمائت حاصل نہ ہو سکی۔

انتخابات کے پہلے مرحلے میں چونکہ کوئی بھی امیدواراپنی کامیابی کے لئے لازمی قطعی اکثریت حاصل نہ کرسکا، اس لئے کامیاب امیدوار کا فیصلہ ا ب تین فروری کو ہونے والے صدارتی انتخابی عمل کے دوسرے مرحلے میں ہوگا۔ بورس ٹاڈچ سربیا کی یورپی یونین میں شمولیت کے حامی ہیں جبکہ ٹومسلا و نکولچ سربیا اور روس کے مابین بہت قریبی اتحادکی وکالت کرتے ہیں۔