1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

سارکوزی اچانک تاج محل دیکھنے پہنچ گئے

بھارت کے چار روزہ دورے پر گئے فرانسیسی صدر نکولا سارکوزی ہفتے کے روز اپنی اہلیہ کے ہمراہ اچانک آگرہ میں مغلیہ عہد کے شاہکار تاج محل دیکھنے پہنچ گئے۔

default

سارکوزی نے تاج محل جانے کے لئے اپنے پہلے سے مقررہ شیڈیول کو آخری وقت میں تبدیل کیا۔ فرانسیسی صدارتی دفتر کے مطابق سارکوزی کا یہ اچانک دورہ ذاتی نوعیت کا تھا۔ دوسری جانب بھارتی میڈیا پر سارکوزی کے اس دورے کو تنقید کا نشانہ بنایا گیا۔

Sarkozy Taj Mahal

سارکوزی نے تاج محل کا دورہ کیا

میڈیا رپورٹوں کے مطابق اس غیر متوقع اور اچانک دورے کے باعث تاج محل پہنچنے اور قطار بنا کر اپنی باری کا انتظار کرنے والے تقریبا 200 سیاحوں کو سخت اذیت اور کوفت کا سامنا کرنا پڑا۔ میڈیا رپورٹوں کے مطابق صدر سارکوزی کی سکیورٹی کی خاطر تاج محل کو فوری طور پر خالی کرا لیا گیا اور وہاں پہنچنے والے درجنوں سیاحوں کو تاج محل کے اندر جانے سے روک دیا گیا۔

بھارت کے جنوبی شہر بنگلور سے اپنے دورہ بھارت کا آغاز کرنے والے سارکوزی کو پیر کے روز نئی دہلی میں بھارتی وزیراعظم من موہن سنگھ اور دیگر اعلیٰ بھارتی قیادت سے ملاقاتیں کرنا تھیں۔ تاہم اب فرانسیسی صدارتی دفتر کی طرف سے سارکوزی کی اتوار کی مصروفیات کے حوالے سے ایک تازہ شیڈیول جاری کیا گیا ہے، اس نئے شیڈیول کے مطابق اب سارکوزی اتوار کی شام وزیراعظم من موہن سنگھ سے ملاقات کریں گے۔

اپنے دورے کے آغاز کے لئے دنیا بھر میں انفارمیشن ٹیکنالوجی کے حوالے سے مرکز سمجھے جانے والے بنگلور شہر کا انتخاب اس دورے میں تجارت اور معیشت کے پہلوؤں کی اہمیت کی عکاسی کرتا ہے۔ تاہم بنگلور میں پہنچنے کے چند ہی گھنٹوں بعد سارکوزی نے اس دورے میں اپنی پہلی شام اپنی اہلیہ کارلا برونی کے ہمراہ تاج محل میں گزارنا پسند کی۔ تاج محل دارالحکومت نئی دہلی سے تقریبا 200 کلومیٹر کے فاصلے پر ہے۔

صدر سارکوزی نے اس سے قبل سن 2008ء میں بھارت کا دورہ کیا تھا۔ اس وقت تک وہ مشہور پاپ اسٹار کارلا برونی سے رشتہ ازدواج میں نہیں بندھے تھے تاہم انہوں نے اس وقت کہا تھا کہ وہ تاج محل دیکھنے ضرور آئیں گے۔

Nicolas Sarkozy Carla Bruni Kuss Paar Pärchen Frankreich Flash-Galerie

سارکوزی اپنی اہلیہ کے ہمراہ

واضح رہے کہ تاج محل 14ویں صدی میں مغل شہنشاہ شاہ جہان نے اپنی ملکہ ممتاز محل کی وفات کے موقع پر تعمیر کیا تھا اور تاج محل کو دیکھنے کے لئے دنیا بھر سے ہر سال تقریبا تین ملین سیاح آگرہ کا رخ کرتے ہیں۔

رپورٹ : عاطف توقیر

ادارت : کشور مصطفیٰ

DW.COM

ویب لنکس