1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

زرداری ، سنگھ ملاقات

نیویارک میں صدر زرداری اور بھارتی وزیراعظم من موہن سنگھ کی ملاقات انتہائی خوشگوار ماحول میں ہوئی اور تمام اہم امور زیر بحث آئے۔

default

پاکستانی صدرآصف علی زرداری اور بھارتی وزیراعظم من موہن سنگھ کے مابین ہونے والی ملاقات میں دونوں رہنماؤں کی جانب سے جاری کئے گئے مشترکہ اعلامیہ میں کہا گیا کہ دونوں ممالک کے مابین رکا ہوا امن عمل بہت جلد شروع کیا جائے گا۔ ون ٹو ون ملاقات نیویارک کےایک مقامی ہوٹل میں 35 منٹ تک جاری رہی۔ وفاقی وزیراطلاعات شیری رحمن نے کہا کہ ملاقات انتہائی خوشگوار ماحول میں ہوئی اوراس میں مسئلہ کشمیر، سرحد پار دہشت گردی سمیت تمام اہم امورزیرغور آئے اورملاقات انتہائی مثبت رہی۔ صدرزرداری نے کہا کہ پاکستان بھارت کے ساتھ اچھے اور دوستانہ روابط رکھنے کا خواہاں ہے۔ زرداری نے مزید کہا کہ وہ بھارتی وزیراعظم کی شخصیت سے بہت متاثر ہیں اور وہ ان کے تجربے سے سیکھنا چاہتے ہیں۔ اس موقع پرڈاکٹرسنگھ نے کہا کہ وہ اس ملاقات سے انتہائی مطمئن ہیں اوربھارت پاکستان کے تمام مسائل کو مذاکرات کے ذریعے حل کرنا چاہتا ہے۔ اس ملاقات میں سندھ طاس آبی معاہدے پربھی بات چیت ہوئی ہے۔

Treffen Bush und Zardari in New York

جارج بش اور زرداری

اس سے قبل پاکستانی صدر نے نیویارک میں پریس کانفرنس میں کہا کہ پاکستان اس وقت حالت جنگ میں ہے اورعوام کو اسے سمجھنا ہو گا۔ انہوں نے مزید کہا پاکستان دہشت گردی کی خلاف جنگ اپنی سلامتی کے لئے لڑ رہا ہے نہ کہ امریکہ کے لئے۔ انہوں نے مزید کہا کہ صدربش پاکستان کی خود مختاری پر یقین رکھتے ہیں اورامریکی حکام سے پاکستان کے خفیہ ادارے آئی ایس آئی کے بارے میں کوئی بات نہیں ہوئی۔

Audios and videos on the topic