1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

ریپ کی شکار لڑکی جان بر نہ ہوسکی

بھارت میں اس ہفتے ایک 15 سالہ لڑکی کو ریپ کے بعد جلا دیا گیا تھا، زخموں کی تاب نہ لاتے ہوئے آج یہ لڑکی انتقال کر گئی۔

پولیس نے ایک 20 سالہ شخص کو بھارت کے دارلحکومت نئی دہلی کے مضافات میں اس لڑکی کا ریپ کرنے اور اسے جلانے کے الزام میں گرفتار کر لیا ہے۔

اتر پردیش پولیس کے کانسٹیبل یادرام سنگھ نے اس حوالے سے خبر رساں ایجسی ایسوسی ایٹڈ پریس کو بتایا کہ حملے کے بعد اس لڑکی کو ہسپتال لے جایا گیا تھا، اس لڑکی کا جسم 95 فیصد جل چکا تھا، یہ لڑکی زخموں کی تاب نہ لاسکی اور آج اپنی زندگی کھو بیٹھی۔ اس لڑکی کا نام ظاہر نہیں کیا گیا ہے۔

تشدد کا شکار ہونے والی لڑکی کے والدین کا کہنا ہے کہ یہ 20 سالہ شخص ان کی بیٹی کا کافی عرصے سے پیچھا کر رہا تھا۔ لڑکی کے والد نے اس شخص کے خلاف پولیس کو شکایت بھی کی تھی اور گزشتہ برس پولیس نے اس شخص کو احتیاط برتنے کا بھی کہا تھا۔

تین برس قبل نئی دہلی میں ایک بس میں نوجوان لڑکی کے ریپ کے بعد ملک بھر میں ایسے جرائم کے خلاف احتجاج کیا گیا تھا اور جنسی حملوں کے خلاف قانون سازی سخت بھی کی گئی تھی لیکن اس کے باوجود بھارت میں خواتین اور بچوں کے ساتھ زیادتیوں کی حالیہ رپورٹیں بھارت میں ان جرائم کا کثرت سے ہونا ظاہر کرتی ہیں۔

DW.COM