1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ریپبلکن جماعت نے ہی ٹرمپ کے ہاتھ باندھ دیے

امریکی ایوان نمائندگان کی جانب سے منظور کردہ قرار داد کے بعد صدر ڈونلڈ ٹرمپ اب روس پر عائد پابندیوں کو نرم نہیں کر سکیں گے۔اس طرح اب روس کے ساتھ روابط کو استوار کرنے کے حوالے سے ٹرمپ کے ہاتھ ایک طرح سے بندھ گئے ہیں۔

امریکی ایوان نمائندگان نے متفقہ طور پر جو قرارداد منظور کی ہے، اس میں روس، ایران اور شمالی کوریا پر نئی پابندیوں کا ذکر ہے۔ اس بل کی منظوری ایک ایسا انوکھا واقعہ ہے، جس میں ریپبلکنز نے اپنی ہی جماعت کے صدر کے خلاف ڈیموکریٹس کے ساتھ اتحاد کر لیا۔

 اس بل کی ایک اہم شق کے مطابق روس پر عائد امریکی پابندیوں میں نرمی کے لیے صدر ٹرمپ کو اب پہلے کانگریس سے اجازت لینا ہو گی۔ اس طرح اب ڈونلڈ ٹرمپ روس پر پابندیاں ختم یا نرم کرنے کے حوالے سے یکطرفہ طور پر فیصلہ نہیں کر سکیں گے۔ ٹرمپ کی انتخابی ٹیم کے روس کے ساتھ مبینہ روابط کے بارے میں تحقیقات ابھی جاری ہیں۔

Deutschland Trump trifft Putin

روس پر عائد امریکی پابندیوں میں نرمی کے لیے صدر ٹرمپ کو اب پہلے کانگریس سے اجازت لینا ہو گی

 ٹرمپ انتظامیہ نے اس قرارداد کی یہ کہتے ہوئے مخالفت کی تھی کہ یہ صدر کے خصوصی اختیارات میں مداخلت ہے اور اس طرح خارجہ پالیسی میں صدر انتہائی محدود فیصلے کرنے کے قابل ہوں گے۔ ٹرمپ نے ابھی تک اس قرارداد کو ویٹو کرنے کا فیصلہ نہیں کیا ہے۔

ماہرین کے مطابق اس طرح اب روس اور امریکا کے باہمی روابط کو استوار کرنے کی کوشش کے حوالے سے ٹرمپ کے ہاتھ ایک طرح سے بندھ گئے ہیں۔ اس قرارداد کے حق میں 419 ارکان نے فیصلہ دیا جبکہ تین نے مخالفت کی۔

 

 

کسی کو بھی معافی دینے کا اختیار ہے، ٹرمپ

امریکا اور برطانیہ یورپ کے قابل اعتماد ساتھی نہیں رہے، میرکل

ٹرمپ نے جرمنی میں پوٹن سے ’ایک غیر اعلانیہ ملاقات‘ بھی کی

ایوان نمائندگان کے اسپیکر پاؤل رائن نے رائے شماری کے بعد کہا، ’’اس بل کے ذریعے ہم نے امریکا کو محفوظ رکھنے کی خاطر اپنے سب سے شدید مخالفین کے گرد گھیرا تنگ کر دیا ہے۔‘‘

یہ بل اب حتمی منظوری کے لیے سینیٹ میں بھیج دیا گیا ہے اور سینیٹ سے منظوری کے بعد ممکنہ طور پر یہ دستاویز اگست کے اوائل میں صدر ڈونلڈ ٹرمپ کے پاس دستخط کے لیے پہنچ جائے گی۔  ان نئی پابندیوں کے بعد روس اور امریکا کے مابین کشیدگی بڑھے گی اور ممکنہ طور پر یورپی یونین کے ساتھ تعلقات بھی متاثر ہوں گے۔

 

ویڈیو دیکھیے 00:10

ٹرمپ اور پوٹن کا مصافحہ

 

DW.COM

Audios and videos on the topic