1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ریمنڈ ڈیوس کا معاملہ، امریکی امداد خطرے میں

امریکی حکام نے ریمنڈ ڈیوس کی رہائی کے مطالبے پر زور دیتے ہوئے خبردار کیا ہے کہ اگر اس امریکی شہری کو آزاد نہ کیا گیا تو پاکستان کو دی جانے والی امداد میں کٹوتی کی جا سکتی ہے

default

امریکی ہاؤس آرمڈ سروسز کمیٹی کے دو اعلیٰ اہلکاروں نے خبردار کیا ہے کہ اگر ریمنڈ ڈیوس کو سفارتی استثنٰی دیتے ہوئے رہا نہ کیا گیا تو امریکہ کی طرف سے پاکستان کو دی جانے والی امداد خطرے میں پڑ سکتی ہے۔ گزشتہ ماہ لاہور میں دو پاکستانی باشندوں کو قتل کرنے والی امریکی شہری کا مؤقف ہے کہ اس نے یہ قتل اپنے دفاع میں کیے تھے۔

واشنگٹن نے پاکستانی حکام کو پہلے ہی خبردار کر رکھا ہے کہ ریمنڈ ڈیوس کی رہائی کے معاملے کو طول دینے کی وجہ سے دونوں ممالک کے مابین اسٹریٹیجک مذاکرات بھی معطل کیے جا سکتے ہیں۔

خبر رساں ادارے اے ایف پی کے مطابق امریکی ایوان نمائندگان کے تین ممبران نے اپنے دورہ پاکستان کے دوران پاکستانی وزیر اعظم یوسف رضا گیلانی کو مطلع کر دیا ہے کہ امریکی کانگریس غور کر رہی ہے کہ پاکستان کو دی جانے والی امداد میں کس طرح کٹوتی کی جاسکتی ہے۔

Pakistan Präsident Asif Ali Zardari vereidigt

صدر پاکستان آصف علی زرداری

ریپبلکن جان کلائن نے امریکہ واپس پہنچنے پر صحافیوں سے گفتگو کرتے ہوئے کہا،’ یہ ضروری ہے کہ ڈیوس کو رہا کر دیا جائے، اگر اسے آزاد نہ کیا گیا تو یقینی طور پر یہ امر واضح ہے کہ اس کے برے نتائج سامنے آ سکتے ہیں۔‘ انہوں نے کہا کہ یہ ممکن ہے کہ اس معاملے کو لے کر امریکی کانگریس پاکستان کو دی جانے والی امداد میں کٹوتی کر دے۔

امریکی ہاؤس آرمڈ سروسز کمیٹی کے سربراہ بک میکوئن نے بھی کہا ہے کہ ریمنڈ ڈیوس کو رہا نہ کیے جانے کی صورت میں پاکستانی امداد میں کمی ہو سکتی ہے۔

دوسری طرف صدر پاکستان آصف علی زرداری نے اس مخصوص صورتحال کے تناظر میں اہم قومی مسائل پر مشاورت کے لیے پارلیمانی پارٹیوں کےنمائندوں کے ساتھ ایک خصوصی ملاقات تجویز کی ہے۔ صدراتی ترجمان فرحت اللہ بابر نے کہا ہے کہ اس ملاقات کی تاریخ اس وقت طے کی جائے گی جب تمام سیاسی جماعتیں اس راؤنڈ ٹیبل مذاکرات میں شرکت کے لیے تیار ہو جائیں گی۔

صدر پاکستان کی طرف سے یہ راؤنڈ ٹیبل مذاکرات کا منصوبہ اس وقت پیش کیا گیا جب ایک روز قبل پاکستان میں تعینات امریکی سفیر کیمرون منٹر نے ریمنڈ ڈیوس کی رہائی کے لیے خصوصی زور دیا۔

رپورٹ: عاطف بلوچ

ادارت: کشور مصطفیٰ

DW.COM