1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

’ریاست مخالف اقدامات‘ پر کوئی سمجھوتہ نہیں، پاکستانی فوج

پاکستانی فوج کی اعلیٰ ترین قیادت نے راولپنڈی میں ہونے والی کور کمانڈرز کانفرنس میں مبینہ بھارتی ایجنٹ کلبھوشن یادیو کے حوالے سے کہا کہ ایسے ’ریاست مخالف اقدامات‘ پر کوئی سمجھوتہ نہیں کیا جائے گا۔

Pakistan angeblicher indische Spion zum Tode verurteilt (picture-alliance/AP Photo/A. Naveed)

اس مبینہ بھارتی ایجنٹ کو گزشتہ برس پاکستان کے جنوب مشرقی صوبے بلوچستان سے گرفتار کیا گیا تھا

پاکستانی فوج کے شعبہء تعلقات عامہ کی جانب سے جاری کردہ ایک بیان کے مطابق 201 ویں کور کمانڈرز کانفرنس راولپنڈی میں فوج کے جنرل ہیڈ کوارٹرز میں جمعرات تیرہ اپریل کو ہوئی۔ اس کانفرنس کی صدارت فوج کے سربراہ جنرل قمر جاوید باجوہ نے کی۔ بیان میں کہا گیا، ’’کانفرنس کے شرکاء کو بھارتی  ایجنٹ کلبھوشن سدھیر یادیو کے بارے میں بھی بریفنگ دی گئی اور اس بات پر اتفاق کیا گیا کہ ریاست کے خلاف اقدامات پر کوئی سمجھوتہ نہیں کیا جائے گا۔‘‘

اس مبینہ بھارتی ایجنٹ کو گزشتہ برس پاکستان کے جنوب مشرقی صوبے بلوچستان سے گرفتار کیا گیا تھا۔ اس کے خلاف مقدمہ پاکستان کی ایک فوجی عدالت میں چلایا گیا۔ اس مقدمے میں کلبھوشن یادیو کو قصور وار ٹھہرایا گیا اور حال ہی میں اسے عدالت نے سزائے موت سنا دی تھی۔ اس مقدمے میں فیصلے کے حوالے سے پاکستانی فوج نے تب ایک بیان میں کہا تھا کہ یادیو نے عدالت کو بتایا تھا کہ اسے بھارتی خفیہ ایجنسی ’را‘ نے ’’پاکستان کے خلاف جنگ کرنے اور پاکستان کو غیر مستحکم بنانے‘‘ کی ذمہ داری سونپی تھی۔

Pakistan angeblicher indische Spion zum Tode verurteilt (picture-alliance/AP Photo/A. Naveed)

اس مبینہ بھارتی ایجنٹ کو گزشتہ برس پاکستان کے جنوب مشرقی صوبے بلوچستان سے گرفتار کیا گیا تھا

تاہم بھارت ایسے دعووں اور الزامات کی نفی کرتا ہے اور نئی دہلی حکومت نے کہا ہے کہ اگر بھارتی شہری کلبھوشن یادیو کو قانون اور انصاف کے مروجہ تقاضوں کا خیال رکھے بغیر سزا دی گئی تو بھارتی ریاست اور عوام اسے ’جان بوجھ کر کیا جانے والا ایک قتل‘ گردانیں گے۔

ملتے جلتے مندرجات