1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ریئل میڈرڈ کا کوچ تبدیل، مورینیو نئے کوچ

دنیائے فٹ بال کے امیر ترین کلب ریئل میڈرڈ نے کوچ مینول پلیا گرینی کو ہٹا کر توقعات کے عین مطابق انٹر میلان کے کوچ جوزےمورینیو کو نیا کوچ نامزد کر دیا ہے۔

default

مورینیو نے ابھی حا ل ہی میں اپنی صلاحیتوں کی بدولت اطالوی فٹ بال کلب انٹر میلان کو چیمپئنز لیگ میں کامیابی کا تاج پہنوایا تھا۔

انٹر میلان کے کوچ کی حیثیت سے چیمپئنز لیگ جیتنے کے بعد مورینیو تاریخ کی تیسری ایسی شخصیت بن گئے ہیں، جنہوں نے اسی ٹورنامنٹ میں دو مختلف کلبوں کو فتح دلائی ہے۔ اس سے قبل سن دو ہزار چار میں وہ پورٹو کلب کے کوچ تھے،جب اس کلب نے کامیابی حاصل کی تھی۔

اطلاعات کے مطابق مورینیواب چودہ ملین پاؤنڈ کے عوض ریئل میڈرڈ کے ساتھ چار سالہ کانٹریکٹ پر دستخط کریں گے۔

Real Madrid in Peking China

ریئل میڈرڈ کو امیر ترین کلب کہا جاتا ہے

56سالہ مینول اپنی خراب کارکردگی کے باعث پہلے ہی سے شدید دباؤ میں تھے، لیکن چیمپئنز لیگ میں ناکامی کے بعد یہ واضح ہو گیا تھا کہ وہ مزید اس عہدے پر فائز نہیں رہ سکیں گے۔

ریئل میڈرڈ کلب کے صدرFlorentino Pere نےکہا ہے کہ مورینیو کو کوچ بنانا ایسا موقع ہے، جو میڈرڈ کو کھونا نہیں چاہئے تھا۔ انہوں نے کہا :’’مورینیو دنیا کے بہترین کوچ ہیں، کلب کے مضبوط ہونے کی نشانی یہ ہے کہ ٹرافیاں جیتی جائیں نہ کہ کوچ نہ بدلا جائے۔‘‘

پرتگال سے تعلق رکھنے والے 47 سالہ مورینیو کو ابھی انٹر میلان کے ساتھ اپنے کانٹریکیٹ کی قانونی پیچیدگیوں کو سلجھانا ہے ،کیونکہ ان کا کانٹریکٹ سن دو ہزار بارہ میں ختم ہو گا۔ سن دو ہزارتین سے لے کر اب تک مورینیو، میڈرڈ کے گیارہویں کوچ ہوں گے۔

رپورٹ : عاطف بلوچ

ادارت : عاطف توقیر

DW.COM