1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ریئل میڈرڈ اور محسوت اوزل کے خواب ٹوٹ گئے

جرمن کلب ویردر بریمن نے ریئل میدرڈ کی باضابطہ درخواست مسترد کر دی ہے، جس میں جرمن سٹار کھلاڑی محسوت اوزل کے ساتھ معاہدہ کرنے کی خواہش کا اظہار کیا تھا۔

default

جرمن فٹ بال کلب ویردر بریمن کے چئیر مین کلاؤس آلوف نے ہفتے کو تصدیق کی کہ ان کے کلب کو ایک ایسی پیشکش کی گئی تھی جو نامنظور کی جاچکی ہے۔ آلوف نے ایک نشریاتی انٹرویو میں کہا: ’’ریئل میڈرڈ نے ایک پشکش کی تھی لیکن وہ بالکل ہی ناقابل قبول تھی، اس لئے یہ معاملہ اب ختم ہوچکا ہے‘‘۔

جرمن کلب ویردر بریمن کے سٹار مڈ فیلڈر محسوت اوزل نے کہا ہے کہ اس پیشکش کے انکار پر وہ مایوس ہیں۔ انہوں نے کہا:’’ جب آپ کو کوئی ایسی دعوت ملے، جو آپ قبول کرنا چاہتے ہوں اور وہ پایہ تکمیل تک نہ پہنچے تو مایوسی ہوتی ہے۔ ہر فٹ بالر کا خواب ہے کہ یورپ کے سب سے بڑے کلب کے لئے کھیلے۔‘‘

Deutsche Nationalmannschaft WM Südafrika Mezut Özil England Deutschland Flash-Galerie

ترک نژاد اوزل ورلڈ کپ میں انگلینڈ کے خلاف ایکش میں

دنیائے فٹ بال کے امیرترین کلبز میں شمار ہونے والے ریئل میڈرڈ کلب کے ڈائریکٹرJorge Valdano نے بھی اس خبر کی تصدیق کی ہے۔ انہوں نے صحافیوں کو بتایا کہ جرمن فٹ بال کلب کو جو پیشکش کی گئی تھی وہ قابل قبول تھی۔ ریئل میڈرڈ نے ابھی حال ہی میں جرمن مڈ فیلڈر سیمی خدیرا کے ساتھ معاہدہ کیا ہے۔ ریئل میڈرڈ کے نئے کوچ مورینیو کی کوشش ہے کہ اب اکیس سالہ اوزل بھی ان کے کلب سے وابستہ ہوجائیں۔

حالیہ فٹ بال عالمی کپ میں اگرچہ جرمنی کی ٹیم فائنل تک رسائی حاصل کرنے میں ناکام رہی تھی لیکن جرمن ٹیم کے نوجوان کھلاڑی، دنیا کو اپنی طرف متوجہ کرنے میں کامیاب ضرور ہوئے ۔ محسوت اوزل کے لئے مانچیسٹر یونائیٹڈ بھی دلچسپی رکھتا ہے تاہم رئیل میڈرڈ وہ پہلا کلب بن گیا ہے جس نے اوزل کے ساتھ معاہدہ کرنے کی کوشش کی ہے۔

Mesut Özil Deutschland Südafika Flash-Galerie

اوزل کا گول کرنے کے بعد کا ایک انداز

اوزل اور ویردر بریمن کے مابین معاہدے کے ختم ہونے میں ابھی ایک سال باقی ہے۔ انہیں اس کلب کو قبل از وقت خیرباد کہنے کے لئے ایک قانونی ڈیل کرنا ہوگی۔ جرمن اخباروں نے رپورٹ کیا ہے کہ بریمن کلب اوزل کے قبل از وقت معاہدہ ختم کرنے کے عوض پندرہ ملین یورو کا مطالبہ کر رہا ہے۔

پرتگال سے تعلق رکھنے والے مورینیو نے کہا ہے اوزل کا ریئل میڈرڈ کا حصہ بننے سے کلب کی کارکردگی مزید بہتر ہو گی۔ انہوں نے مزید کہا کہ اگرچہ بریمن کلب نے فی الحال انکار کردیا ہے تاہم ابھی دیکھنا ہو گا کہ مستقبل میں حالات کیا رخ اختیار کرتے ہیں۔

رپورٹ: عاطف بلوچ

ادارت: شادی خان سیف

DW.COM