1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

روس میں ٹرین حادثہ، انیس افراد مارے گئے

روس میں ایک ٹرین اور بس کے ٹکرانے کی وجہ سے انیس افراد مارے گئے ہیں۔ حکام نے بتایا ہے کہ یہ حادثہ جمعے کو علی الصبح ولادیمیر نامی شہر میں رونما ہوا۔

خبر رساں ادارے ڈی پی اے نے روسی حکام کے حوالے سے بتایا ہے کہ ماسکو سے ایک سو نوے کلومیٹر دور واقع ولادیمیر نامی شہر میں رونما ہونے والے اس حادثے کے نتیجے میں میں پانچ افراد زخمی بھی ہوئے ہیں۔ طبی ذرائع نے انیس ہلاکتوں کی تصدیق کر دی ہے اور خدشہ ہے کہ اس تعداد میں اضافہ بھی ہو سکتا ہے۔

بتایا گیا ہے کہ ہلاک شدگان میں ایک بچہ بھی شامل ہے۔ زخمی ہونے والے افراد کو فوری طور پر قریبی ہسپتال منتقل کر دیا گيا ہے اور انہیں ابتدائی طبی امداد دی جا رہی ہے۔ مقامی حکام نے بتایا ہے کہ حادثے کا شکار ہونے والی یہ ریل گاڑی سینٹ پیٹرز برگ سے نزہنی نووگورود جا رہی تھی۔

قانون نافذ کرنے والے اداروں نے سرکاری روسی نیوز ایجنسی TASS کو بتایا ہے کہ ابتدائی معلومات کے مطابق ٹرین کراسنگ پر بس ٹرین سے ٹکرائی۔ ایسی اطلاعات ہیں یہ بس کراسنگ میں پھنس گئی تھی اور ٹرین رک نہ سکی تاہم تاحال اس حادثے کے مصدقہ حالات اور محرکات کا علم نہیں ہو سکا ہے اور مقامی حکام نے تفتیشی عمل شروع کر دیا ہے۔