1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

روسی طیارہ تباہ، آئیس ہاکی ٹیم کے کھلاڑی ہلاک

بدھ کے روز روس کی آئیس ہاکی کی ٹیم کے کھلاڑیوں کو لے جانے والا ایک طیارہ ٹیک آف کے بعد گر کر تباہ ہو گیا۔ اس حادثے میں کم از کم تینتالیس افراد ہلاک ہوئے ہیں۔

default

روس کا یہ طیارہ آئیس ہاکی ٹیم کے کھلاڑیوں کو کو بیلاروس کے دارالحکومت منسک لے کر جا رہا تھا جہاں ان کو سیزن کا پہلا میچ کھیلنا تھا۔ ٹیک آف کرنے کے کچھ دیر بعد ہی یہ طیارہ ماسکو کے شمال مشرق میں تین سو کلومیٹر کے فاصلے پر جا گرا۔ ہلاک ہونے والوں میں متعدد اولمپک اور این ایچ ایل اسٹارز بھی شامل ہیں۔ تین مرتبہ روسی چیمپیئن شپ جیتنے والی لوکوموٹف ٹیم کے کھلاڑی بھی اس حادثے میں ہلاک ہو گئے ہیں۔

حادثہ جس جگہ پیش آیا ٹھیک اسی جگہ کے قریب روسی صدر میدویدیف جمعرات کے روز ایک سیاسی کانفرنس میں شرکت کر رہے ہیں۔ امکان ظاہر کیا جا رہا ہے کہ روسی صدر جائے حادثہ کا دورہ کریں گے۔

Eishockey-Team kommt bei Flugzeugabsturz ums Leben

تین مرتبہ روسی چیمپیئن شپ جیتنے والی لوکوموٹف ٹیم کے کھلاڑی بھی اس حادثے میں ہلاک ہو گئے ہیں۔

ہلاک ہونے والوں میں روسی ٹیم کے کینیڈین کوچ بریڈ میک کریمن بھی شامل ہیں۔ آئیس ہاکی کے تین چیک اسٹارز بھی لقمہ اجل بن گئے ہیں۔ ہزاروں کی تعداد میں روسی ٹیم کے پرستار جائے حادثہ کے قریب جمع ہو رہے ہیں، جہاں وہ موم بتیاں جلا کر مرنے والوں کو خراج عقیدت پیش کر رہے ہیں۔ روسی ٹی وی چینل ون مستقل اس سانحے کے بارے میں نشریات پیش کر رہا ہے۔ 

ابتدائی اطلاعات کے مطابق حادثہ طیارے کے ایک ریڈار اینٹینا سے ٹکرانے کی وجہ سے پیش آیا۔ خیال رہے کہ روسی مسافر بردار طیارے اکثر حادثات کا شکار ہوتے رہتے ہیں۔ ان حادثات کی وجہ ان طیاروں کی بڑھتی ہوئی عمر بھی بتائی جاتی ہے۔

رپورٹ: شامل شمس⁄  خبر رساں ادارے

ادارت: امتیاز احمد

 

DW.COM