1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

روسی صدر پوٹین کی دھمکیوں میں شدت

روسی صدر ولادی میر پوٹین نے میزائل شکن نظام نصب کرنے کے امریکی منصوبوں پر ردعمل کے طور پر یورپ اور امریکہ کے خلاف اپنی دھمکیاں تیز تر کر ہیں۔ پوٹین نے اعلان کیا کہ روسی میزائلوں کا رُخ ممکنہ طور پر نئے یورپی اہداف کی طرف بھی کیا جا سکتا ہے۔

روسی صدر ولادی میر پوٹین

روسی صدر ولادی میر پوٹین

اُنہوں نے کہا کہ اگر امریکہ اپنے ایٹمی دفاعی نظاموں کا ایک حصہ یورپ میں منتقل کرتا ہے اور روس کو اِس سے خطرہ محسوس ہوتا ہے تو روس ضروری اقدامات کرنے پر مجبور ہو جائے گا۔

امریکی صدر جورج ڈبلیو بُش چیک ری پبلک پہنچ رہے ہیں، جہاں وہ میزائل شکن نظام کی وکالت کریں گے۔ روس چیک ری پبلک اور پولینڈ میں اِن نظاموں کی تنصیب کی سخت مخالفت کر رہا ہے جبکہ امریکہ روس کو یہ تسلی دے رہا ہے کہ یہ میزائل روس کے خلاف نہیں بلکہ یورپ کو ایرانی میزائلوں سے بچانے کے لئے نصب کئے جا رہے ہیں۔