1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

روسی صدر ولادی میر پوٹین جرمنی میں

روس کے صدر ولادی میر پوٹین نے منگل سے جرمنی کا دو روزہ دَورہ شروع کیا، جس کے آغاز پر وہ مشرقی جرمن شہر Dresden میں وفاقی جرمن چانسلر انگیلا میرکل سے ملے۔ اِس شہر میں ”پیٹرز برگ ڈائیلاگ“ کہلانے والی روسی جرمن مکالمت کا چھٹا دَور پیر کو شروع ہوا تھا اور منگل 10 اکتوبر کو اپنے اختتام کو پہنچ گیا۔

default

روسی اور جرمن اداروں اور تنظیموں کے اعلیٰ نمائندوں کے مابین Petersberg Dialogue اشتراکِ عمل اور مکالمت کا وہ سلسلہ ہے، جس کا مقصد سوِل معاشروں کی سطح پر دونوں ملکوں کے مابین تبادلہ اور اُنہیں ایک دوسرے کے قریب لانا ہے۔

اِس بار اِس مکالمت میں جرمنی اور یورپی یونین کے ماسکو کے ساتھ تعلقات کو مرکزی اہمیت حاصل رہی۔ اِس دوران روسی جرمن تعاون کے سات سمجھوتوں پر بھی دستخط کئے گئے۔