1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

روس۔یوکرائن گیس تنازعہ

روس کی طرف سے یوکرائن کو گیس کی ترسیل تقریباً نصف کرنے کے انتباہ کے بعد یوکرائن کی گیس کمپنی نے مغربی یورپی ممالک کے لئے گیس کی ترسیل کا راستہ بدلنے کی دھمکی دی ہے۔

default

روسی انتباہ کی اصل وجہ اس کے اور یوکرائن کے درمیان کافی عرصے سے چلے آ رہے قرض کا تنازعہ ہے۔حالیہ صدارتی انتخابات میں کامیاب امیدوار اور ولادمیر پوتین کے قریبی ساتھی‘ دمتری مید ویدیف نے یوکرائن پر زور دیا کہ وہ اپنے مبینہ بقایا جات ادا کریں۔

دمتری مید ویدیف کے دفتر کے حکام کے مطابق میدویدیف نے اس سلسلے میں یوکرائن کے صدر‘Viktor Yuschenko کے ساتھ ٹیلی فون پر گفتگو بھی کی۔مید ویدیف نے یوکرائن کے صدر سے کہا کہ روس اس تنازعے کے حل کے حوالے سے مزاکرات میں پیش رفت کا خواہاں ہے اور یوکرائن کو سنجیدگی کا مظاہرہ کرنے کے ساتھ ساتھ اپنی کوششوں میں تیزی بھی لانی ہوگی۔

توقع کی جا رہی ہے کہ تنازعے کے حل کے تعلق سے یوکرائن کے حکام کل بدھ کے روز تبادلہ خیال کریں گے۔عین ممکن ہے کہ گیس کی کمی سے نمٹنے کے لئے یوکرائن جلد ہی اپنا لائحہءعمل ترتیب دے گا۔