1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

راجر فیڈرر کی شکست، آسٹریلین اوپن سےباہر

آسٹریلین اوپن کے پہلے سیمی فائنل میں سربیا کے نوواک جوکووچ نے سوئس سٹار راجر فیڈرر کو شکست سے دوچار کرنے کے بعد فائنل میں اپنی جگہ پکی کر لی ہے۔

default

جمعرات کو میلبورن میں کھیلے گئے اس اہم سیمی فائنل میں عالمی نمبر تین جوکووچ نے فیڈرر کو سات چھ، سات پانچ اور چھ چار کے ایک آسان مقابلے کے بعد ہرا دیا۔ اگرچہ ماہرین کے خیال میں یہ میچ کانٹے دار ہونا تھا لیکن فیڈررکے سیدھے سیٹوں سے شکست کھانے پر اب ان کے ٹینس کیریئر پرایک سوالیہ نشان سا الگ گیا ہے۔

اس میچ کے بعد جوکووچ نے صحافیوں سے گفتگو کرتے ہوئے چار مرتبہ آسٹریلین اوپن کے فاتح فیڈرر کی تعریف کرتے ہوئے کہا کہ انہوں نے اپنی زندگی کا بہترین کھیل پیش کیا، جس کے نتیجے میں فیڈرر کو شکست ہوئی۔

Roger Federer Hochformat

راجر فیڈرر چار مرتبہ آسٹریلین اوپن جیت چکے ہیں

آسٹریلین اوپن کا دوسرا سیمی فائنل آج یعنی جمعہ کے دن کھیلا جا رہا ہے۔ اس میچ میں برطانوی کھلاڑی اینڈی مرے اور ہسپانوی سٹار راجر فیرر مد مقابل ہوں گے۔ عالمی نمبر سات راجر فیرر نے اپنے ہم وطن اورعالمی نمبر ایک رافائل نادال کو شکست دینے کے بعد سیمی فائنل تک رسائی حاصل کی ہے۔ وہ اس وقت اپنی بھر پور فارم میں ہیں۔ مرے نے کہا ہے،’ فیرر اپنی بھرپور توانائیوں کے ساتھ اس ٹورنامنٹ میں داد سمیٹ رہے ہیں، ان کے ساتھ مقابلہ جاندار ہو گا۔‘

اس سیمی فائنل میں کامیاب حاصل کرنے والا فائنل میں جوکووچ کے سامنے ہو گا۔

رپورٹ: عاطف بلوچ

ادارت: عدنان اسحاق

DW.COM

ویب لنکس