1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ذوالقرنین حیدر کا پی سی بی کے خلاف قانونی ایکشن کا منصوبہ

دبئی سے پرسرار طور پر فرار ہونے والے پاکستانی قومی کرکٹ ٹیم کے وکٹ کیپر بیٹسمین ذوالقرنین حیدر نے کہا ہے کہ وہ پاکستانی کرکٹ بورڈ کے کچھ اہلکاروں کے خلاف قانونی ایکشن لینے کی منصوبہ بندی کر رہے ہیں۔

default

ذوالقرنین حیدر

دبئی میں جنوبی افریقہ کے خلاف کھیلی جانے والی سیریز کے دوران اچانک لندن فرار ہو جانے والے ذوالقرنین حیدر نے اپنے فیس بک اکاؤنٹ پر لکھا ہے کہ وہ پاکستانی کرکٹ بورڈ PCB کے ان اہلکاروں کے خلاف قانونی کارروائی کا اراردہ رکھتے ہیں، جنہوں نے ان کی دماغی صحت پر شبہ ظاہرکیا ہے۔

پیرکو اپنے فیس بک اکاؤنٹ کو اپ ڈیٹ کرتے ہوئے انہوں نے کہا کہ وہ PCB کے چیف آپریٹنگ افسر سبہان احمد اور ٹیم کوچ انتخاب عالم کے علاوہ سابق سکیورٹی مینیجر خواجہ نجم جاوید کے خلاف قانونی کارروائی کے لیے تیار ہیں۔

Intikhab Alam Trainer Cricket Pakistan

پاکستانی کرکٹ ٹیم کوچ انتخاب عالم

ذوالقرنین حیدر کے پرسرار فرار سے متعلق حقائق جاننے کے لئے PCB نے ایک انکوئری کمیشن قائم کیا تھا، جس نے اس معاملے پر تحقیقات کرنے کے بعد اپنی رپورٹ میں کہا تھا کہ ذوالقرنین حیدر نہ صرف پیچیدہ شخصیت کے مالک ہیں بلکہ وہ کمزور اعصاب کے مالک بھی ہیں۔

دوسری طرف پی سی بی کے قانونی مشیر تفضل رضوی نے خبر رساں اداروں کو بتایا ہے کہ وہ اس بات کو سمجھنے سے قاصر ہیں کہ ذوالقرنین حیدر بورڈ کے خلاف کس بنیاد پر قانونی کارروائی کر سکتے ہیں،’ پاکستان میں کوئی بھی شہری کسی دوسرے شہری کے خلاف مقدمہ درج کر سکتا ہے لیکن اس کے لیے کوئی وجہ یا بنیاد ہونا ضروری ہے۔ میں بالکل نہیں سمجھ سکا کہ کس بنیاد پر وہ ہمارے خلاف قانونی کارروائی کا ارادہ رکھتا ہے۔‘

تفضل رضوی کے مطابق جب انہیں ذوالقرنین کی طرف سے کوئی نوٹس ملے گا تو ہی وہ اس بارے میں مزید تبصرہ کرنے کے قابل ہوں گے۔

ذوالقرنین حیدر لندن فرار ہونے کے بعد سے وہاں عارضی ویزے پر رہائش پذیر ہیں لیکن انہوں نے لندن میں پناہ کی درخواست جمع کروا رکھی ہے۔

رپورٹ: عاطف بلوچ

ادارت: عدنان اسحاق

DW.COM