1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

دہلی ٹیسٹ:دونوں ٹیمیں تیار اور پر عزم

بھارت اور آسٹریلیا کے درمیان تیسرا ٹیسٹ‌ کل جمعہ کے روز سے نئی دہلی میں شروع ہو رہا ہےجبکہ تین سو ٹیسٹ وکٹوں کے سنگ میل سے ایک وکٹ کے فاصلے پراسپِن بالر ہربھجن سنگھ کی شرکت، زخمی ہونے کے باعث مشکو ک ہو گئی ہے

default

بھارتی کرکٹ ٹیم کے کوچ گیری کرسٹن کا کہنا ہے ہربھجن کی دہلی ٹیسٹ میں شرکت کے حوالے سے کچھ بھی کہنا قبل از وقت ہوگا جبکہ دوسرے ٹیسٹ میں شرکت سے محروم رہنے والے انیل کمبلے کندھے کی تکلیف سے کافی حد تک صحتیاب ہو چکے ہیں ان کی دستیابی کی صورت میں اپنے کیرئیر کے پہلے ٹیسٹ میں سات وکٹیں حاصل کرنے والے اسپِنرامیت مِشرا کو گراؤنڈ سے باہر بیٹھنا پڑے گا۔

اس پہلے بھارت نےموہالی میں ہونے والا دوسراٹیسٹ جیت کرسیریز میں پہلی کامیابی اور ایک صفر سے برتری حاصل کر لی تھی تاہم تین سو بیس رنز کے ریکارڈ مارجن سے کامیابی اور سچِن ٹنڈولکر کی جانب سے ٹیسٹ کرکٹ کی تاریخ کا عظیم تین بیٹسمین بننے پر اس فتح نے خصوصی اہمیت اختیا رکرلی۔

دوسری جانب آسٹریلوی کرکٹ ٹیم کے نائب کپتان مائیکل کلارک کا کہنا ہے کہ کینگروز کھلاڑی بھارت کے خلاف سیریز کے تیسرے ٹیسٹ میں شاندار کاکردگی کا مظاہرہ دکھانے کے لئے پرعزم ہیں۔ بھارتی دارلحکومت نئی دہلی میں نیوز کانفرنس سے خطاب کرتے ہوئے مائیکل کلارک نے کہا کہ بھارت کو اس کی سرزمین پر ہرانا آسان نہیں تاہم آسٹریلوی کھلاڑی ایک ٹیسٹ کے خسارے کو پورا کرنے کے لئے بھرپور تیاری کررہے ہیں۔

مائیکل کلارک کا کہنا تھا کہ کھلاڑیوں نے دوسرے ٹیسٹ کو آسان لیا جس کے باعث آسٹریلوی ٹیم کو شکست کا سامنا کرنا پڑا۔ کلارک نے کہا کہ ٹیم تیسرے ٹیسٹ میں جارحانہ حکمت عملی کے ساتھ میدان میں اترے گی اور میچ جیتنے کی پوری کوشش کرے گی۔