1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

دہلی ٹیست ڈرا

بھارت اور آسٹریلیا کے مابین فیروز شاہ کوٹلہ سٹیڈیم میں کھیلے جانے والا سیریز کا تیسرا ٹیست میچ بغیر کسی نتیجے کے ختم ہو گیا ہے۔ بھارت کو چار ٹیسٹ میچوں کی سیریز میں ایک صفر سے برتری حاصل ہے۔

default

بھارت کے دورے پر آئی ہوئی آسٹریلوی قومی کرکٹ ٹیم فیروز شاہ کوٹلہ سٹیڈیم دہلی میں کھیلے جانے والے سیریز کے تیسرے ٹیسٹ میچ میں بھارتی سبقت کو ختم نہ کر سکی اور یہ ٹیسٹ میچ بغیر کسی نتیجے کے ختم ہو گیا۔ اس طرح بھارت کو چار ٹیسٹ میچوں کی سیریز میں ایک صفر سے برتری حاصل ہے۔ اس سیریز کا چوتھا اور آخری ٹیسٹ میچ چھ نومبرکو ناگپور میں کھیلا جائے گا۔

اتوار کے دن اس ٹیسٹ میچ کے پانچویں اور آخری دن بھارت نے اپنی دوسری اینگز میں دو سو آٹھ رنز پانچ کھلاڑی آوٹ پر اینگز ڈکلیئر کر دی اور آسٹریلیا کو بیٹنگ کی دعوت دی۔ آسٹریلیا نے اپنی دوسری اینگز میں بغیرکسی نقصان کے اکتیس رنز بنائے تھے کہ مقررہ وقت ختم ہو گیا۔

اس سے قبل بھارت نے اپنی پہلی اینگز میں چھ سو تیرہ رنز اسکور کئے اور سات وکٹوں کے نقصان پر اینگز ڈکلیئر کی۔ اس کے جواب میں آسٹریلیا نے اپنی پہلی اینگز میں پانچ سو ستتر رنز بنائے اور اس کے تمام کھلاری آوٹ ہو گئے۔

اس میچ میں بھارتی بلے باز لکشمن کو بہترین کھلاڑی کا انعام دیا گیا۔ انہوں نے پہلی اینگز میں انفرادی طور پر دوسو رنز بنائے اور ناٹ آوٹ رہے جبکہ دوسری اینگز میں بھی انفرادی طور پر 59 رنز بنا کرآوٹ نہ ہوئے۔