1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

دھونی پر پابندی ، سہواگ کپتان

بھارت اور سری لنکا کے مابین جاری پانچ ایک روزہ میچوں کی سیریز کے دوسرے میچ میں سلو اور ریٹ کے نتیجے میں میچ ریفری جیف کرو نے بھارتی کپتان مہندر سنگھ دھونی پر دو میچوں کی پابندی عائد کر دی ہے۔

default

بھارتی کرکٹ ٹیم کے کپتان مہیندرسنگھ دھونی

مہیندر سنگھ دھونی پر لگنے والی اس پابندی کے بعد بھارتی کرکٹ بورڈ نے افتتاحی بلے باز وریندر سہواگ کو دو میچوں کے لئے کپتان مقرر کر دیا ہے۔

بھارتی کرکٹ بورڈ کی طرف سے جاری کردہ ایک بیان میں کہا گیا ہے کہ سری لنکا کے خلاف دوسرے ایک روزہ میچ میں سلو اور ریٹ کی وجہ سے تمام کھلاڑیوں کو میچ کی فیس کا چالیس فیصد حصہ سزا کے طور پر کاٹ لیا گیا ہے۔

بھارتی شہر ناگ پور میں کھیلے گئے اس میچ میں سری لنکا نے میزبان ٹیم کو تین وکٹوں سے شکست دے کر سیریز ایک ایک سے برابر کر دی ہے۔ اس میچ کے دوران بھارتی کھلاڑیوں کے مابین گفتگو کے لمبے لمبے وقفوں کے باعث یہ میچ اپنے مقررہ وقت کے مقابلے میں پینتالیس منٹ دیر سے ختم ہوا۔

جمعہ کی رات گئے بھارتی کرکٹ کنٹرول بورڈ اور ICC کے حکام کے مابین مکمل مشاورت کے بعد فیصلہ سنایا گیا کہ دھونی پر دو میچوں کی پابندی کے ساتھ تمام کھلاڑیوں کی میچ فیس کا چالیس فیصد حصہ کاٹا جائے گا۔

Virender Sehwag

سہواگ کا دلکش انداز

وکٹ کیپر بیٹسمین دنیش کارتِیک کو مہندر سنگھ دھونی کی جگہ ٹیم میں شامل کر لیا گیا ہے جبکہ سوائن فلو کا شکار ہوئے فاسٹ باؤلر شری شانت کی جگہ اشانت شرما ، سری لنکا کے خلاف تیسرے ون ڈے میں کھیلیں گے۔ اس سیریز کا تیسرا میچ 21 دسمبر کو بھارتی شہر کٹک میں کھیلا جائے گا۔ پابندی ختم ہونے کے بعد نئی دہلی میں کھیلے جانے والےاس سیریز کے آخری میچ میں بھارتی کپتان مہندر سنگھ دھونی دوبارہ کھیل سکیں گے۔

رپورٹ : عاطف بلوچ

ادارت: عابد حسین