1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

دو ہزارواں کرکٹ ٹیسٹ جاری ہے

لارڈز کے میدان پر کرکٹ کا دو ہزارواں ٹیسٹ میچ جمعرات سے شروع ہو گیا ہے۔ یہ مقابلہ انگلینڈ اور بھارت کی ٹیموں کے درمیان ہو رہا ہے۔ دونوں ٹیموں کے درمیان چار میچز کی سیریز کا یہ پہلا میچ ہے۔

default

انگلینڈ کی اننگز جاری ہے۔ پہلے دِن کے اختتام پر میزبان ٹیم دو کھلاڑیوں کے نقصان پر ایک سو ستائیس رنز بنائے۔

اس مقابلے کے بعد انگلینڈ اور بھارت کے درمیان کھیلے جانے والے ٹیسٹ میچز کی تعداد ایک سو ہو جائے گی۔ انگلینڈ کی ٹیم کے کپتان اینڈریو اسٹراؤس کا کہنا ہے: ’’دونوں ہی ٹیمیں اچھی ہیں ، اس لحاظ سے میچ کو اہم خیال کیا جانا ناگزیر ہے۔‘‘

یہ دونوں ٹیمیں ایک دوسرے کی طاقت اور کمزوریوں سے آگاہ ہیں۔ بھارتی بیٹسمین اپنی ٹیم کا مثبت پہلو ہیں جبکہ اچھے بیٹسمینوں اور بولروں کی موجودگی میں انگلینڈ کی ٹیم متوازن ہے۔

Andrew Strauss

اینڈریو اسٹراؤس

لارڈز کا میدان عام طور پر بیٹسمینوں کے حق میں قرار دیا جاتا ہے۔ وہ‍اں گیند زیادہ اچھلتی نہیں۔

انگلینڈ اور بھارت کے درمیان آج سے شروع ہونے والا یہ میچ چار میچوں کی ٹیسٹ سیریز کے سلسلے کی پہلی کڑی ہے۔

ٹیسٹ کرکٹ کی رینکنگ میں بھارت کی ٹیم اس وقت سر فہرست ہے جبکہ انگلینڈ تیسرے نمبر پر ہے، جو دوسرے نمبر کی ٹیم جنوبی افریقہ سے محض ایک پوائنٹ ہی پیچھے ہے۔

رپورٹ: ندیم گِل/خبر رساں ادارے

ادارت: امتیاز احمد

DW.COM