1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

دنیا کی دوسری بڑی ائیرلائن کی پانچ ہزار فلائٹس متاثر

امریکی فضائی کمپنی ڈیلٹاایئرلائنز نے اپنے نظام میں خرابی پر دنیا بھر میں اپنی تمام پروازیں بند کر دی ہیں۔ کمپنی کا کہنا ہے کہ ان کا تکنیکی عملہ اس مسئلے کے حل کے لیے کام کر رہا ہے۔

ڈیلٹا ائیر لائنز کی جانب سے جاری بیان میں کہا گیا ہے کہ کمپنی کے نیٹ ورک کی بندش کے باعث دنیا بھر میں اس کمپنی کی پروازیں تاخیر کا شکار ہیں، وہ جہاز جنہوں نےپرواز کرنا تھا اب وہ تاخیر سے پرواز کریں گے۔ اس امریکی کمپنی کی جانب سے کہا گیا ہے مسافر ائیر پورٹ جانے سے قبل اپنی پروازوں کے بارے میں تفصیلات آن لائن چیک کر لیں۔ ڈیلٹا ائیر لائنز نے اب تک نظام کے درست ہونے اور پروازوں کے دوبارہ آغاز کے ممکنہ وقت کے بارے میں کوئی معلومات فراہم نہیں کی ہیں۔

ڈیلٹا کی جانب سے بتایا گیا ہے کہ نظام میں پائی جانے والی اس خرابی کو دور کرنے کی کوشش کی جا رہی ہے اور جلد ہی اس کا حل تلاش کر لیا جائے گا۔

ڈیلٹا ائیر لائز کی پانچ ہزار فلائٹس روزانہ پرواز کرتی ہیں اور یہ کمپنی سکائی ٹیم الائنس کی رکن بھی ہے۔ کئی مسافر ائیرپورٹس پر پھنس جانے کی شکایات کر رہے ہیں۔ جب کے کچھ مسافروں کا کہنا ہے کہ ان کو بورڈنگ کے بعد جہازوں سے واپس اتارا گیا ہے۔ ڈیلٹا نے اپنے مسافروں سے ان کو پیش آنی والی مشکلات کے لیے معذرت طلب کی ہے۔