1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

دنیا بھرمیں ایک ملین بچوں سمیت دس ملین افراد قید ہیں : اقوام متحدہ

اقوام متحدہ نے اپنی تازہ رپورٹ میں انکشاف کیا ہے کہ دنیا بھر کی مختلف جیلوں میں تقریبا دس ملین افراد قید ہیں، جن میں کم از کم ایک ملین بچے شامل ہیں۔

default

زیادہ تر جیلوں میں قیدیوں کو ایسے ہی سخت حالات کا سامنا ہے

منگل کے روز اقوام متحدہ کے خصوصی تفتیش کار مانفریڈ نواک نے اپنی رپورٹ میں بتایا کہ کئی مقامات پر گرفتار شدگان کو ایسے قید خانوں میں رکھا جاتا ہے، جہاں درجہء حراست ساٹھ درجے سینٹی گریڈ تک بھی پہنچ جاتا ہے۔ اس رپورٹ میں بتایا گیا ہے کہ زیادہ تر جیلوں میں قیدیوں کو ایسے ہی سخت حالات کا سامنا ہے۔

Gefangenenaustausch Israel Hisbollah

دنیا بھر میں اس وقت دس لاکھ افراد قید خانوں میں پڑے ہیں

اقوام متحدہ کی جنرل اسمبلی میں رپورٹ جمع کرانے کے بعد نواک نے کہا کہ ان کی تفتیشی رپورٹ کا بنیادی مقصد ان قید خانوں تک رسائی تھا، جو دنیا کی نگاہوں سے دور ہیں۔ نواک نے بتایا کہ رپورٹ مرتب کرنے کے لئے انہوں نے درجنوں ممالک کا دورہ کیا۔

رپورٹ کے مطابق نائجیریا کی ایک جیل میں عورتوں اور بچّوں سمیت تقریباً سو قیدیوں کو تفتیش کار تشدد کا نشانہ بناتے ہیں۔ نواک کے مطابق اذیت دینے کے طریقوں میں قیدیوں کے پیروں کے قریب گولیاں چلانے اور زخمی قیدیوں کو بغیر دوا کے حراست میں رکھنے سمیت کئی غیر انسانی طریقے اختیار کئے جاتے ہیں۔

نواک نے بتایا کہ دنیا بھر میں اس وقت دس لاکھ افراد قید خانوں میں پڑے ہیں اور ان میں سے زیادہ تر افراد کو سنگین حالات کا سامنا ہے۔

رپورٹ : عاطف توقیر

ادارت : گوہرنذیر