1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

دلکش ماہرہ خان نے بیروت کا عالمی فلمی میلہ لُوٹ لیا

خوبرو پاکستانی اداکارہ ماہرہ خان کو آٹھویں بیروت انٹرنیشنل فلم فیسٹیول میں دو ایوارڈوں سے نوازا گیا۔ پاکستانی اور بھارتی میڈیا نے ماہرہ خان کے لبنانی فلمی میلے میں شرکت کی خبریں نمایاں سرخیوں کے ساتھ شائع کی ہیں۔

Libanon | Schauspielerin Mahira Khan beim Beirut International Awards Festival (Getty Images/AFP/A. Amro)

بیروت فلم فیسٹول میں ماہرہ کو اُن کی خوبصورت پوشاک اور عالمی سطح پر مختصر مدت میں بطور اداکارہ خود کو منوانے پر ایوارڈ دیے گئے

ماہرہ خان کے بیروت میں فلمی میلے میں شرکت کو انڈیا اور پاکستان دونوں ممالک کے میڈیا نے نمایاں کوریج دی ہے  اور ایوارڈ کی تقریب میں اُن کے لباس اور خوبصورتی کو خوب سراہا گیا ہے۔

 سوشل میڈیا صارفین نے بھی سماجی رابطوں کی ویب سائٹوں پر ماہرہ خان کے دلکش اسٹائل کی تعریف کرتے ہوئے تبصرے کیے ہیں۔

بیروت فلم فیسٹول میں ماہرہ کو اُن کی خوبصورت پوشاک اور عالمی سطح پر مختصر مدت میں بطور اداکارہ خود کو منوانے پر الگ الگ دو ایوارڈ دیے گئے۔

پاکستان کے مقامی روزنامے ایکسپریس کے مطابق ماہرہ نے تقریب کے شرکا سے بات کرتے ہوئے عربی میں اُن کا شکریہ ادا کیا اور کہا کہ وہ بیروت انٹرنیشنل فلم ایوارڈ وصول کر کے بہت خوش ہیں۔ بیروت میں ماہرہ خان کی آمد سے قبل ہی اُن کی فلمی میلے میں شرکت کی خبریں ٹویٹر اور فیس بک پر گردش کرنے لگی تھیں۔

ماہرہ خان نے پاکستانی ٹی وی ڈرامہ سیریل ’ہمسفر‘ سے شہرت حاصل کی تھی۔ پاکستانی فلموں کے ساتھ ساتھ اُنہوں نے بھارتی فلم ’رئیس‘ کے ذریعے بھی اپنے کام کا لوہا منوایا ہے۔ فلمی ناقدین کے مطابق وہ اپنی ڈیبیو بالی ووڈ فلم میں بہت خوبصورت نظر آئی تھیں۔ 

DW.COM