1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

درہ آدم خیل :سترہ عسکریت پسند گرفتار

درہ آدم خیل میں پاکستانی سیکیورٹی فورسز نے سرچ آپریشن کے دوران سترہ شدت پسندوں کو گرفتار کرکے ان کے قبضے سے بڑی تعداد میں اسلحہ برآمد کرلیا ہے۔

default

سر چ آپریشن تیمرخیل، اخوڑوال اور پیروال کے علاقوں میں کیا گیا۔ سیکیورٹی فورسز کی جانب سے بریفنگ کے دوران صحافیوں کو اسلحہ دکھایا گیا اور سترہ میں سے سات شدت پسندوں کو میڈیا کے سامنے پیش کیا گیا۔ فورسز کا کہنا ہے کہ علاقے میں عسکریت پسندوں کے خاتمے تک آپریشن جاری رہے گا۔ درہ آدم خیل میں گزشتہ ہفتےسے اب تک دو سو کے قریب شدت پسند گرفتار کئے جا چکے ہیں۔

2 Waziristan.jpg



تفصیلات کے مطابق گرفتارشدگان کے قبضے سے تین سو پچاس راکٹ، دھماکا خیز مواد اور دیگر اسلحہ برآمد کیا گیا۔ درہ آدم خیل کے علاقے پیروال، اخوڑ وال، اسپین تھانہ، اکاخیل اور ملحقہ علاقوں میں عسکریت پسندوں کے خلاف سیکورٹی فورسز کا آپریشن جاری ہے۔ سیکورٹی فورسز کے دعوے کے مطابق آپریشن کے دوران تین کمانڈرسمیت سترہ عسکریت پسند گرفتار کئے گئے۔

ایک روز قبل بھی درہ آدم خیل میں سیکورٹی فورسزنے ایک کارروائی کے دوران دواہم طالبان کمانڈروں سمیت پانچ عسکریت پسندوں کوگرفتارکرلیا تھا۔ ۔پاکستان کے فرنٹیئرکورہیڈ کوارٹرپشاور کے مطابق اس سلسلے میں سیکورٹی فورسزکی جانب سے قاسم خیل اورپیروال کے علاقوں میں کارروائی کی گئی۔ اس کارروائی کے دوران ایک اورطالبان کمانڈرکے گھرسے اسلحہ وگولہ بارودسے بھرے دو ٹرک بھی برآمدکرلئے گئے۔

Audios and videos on the topic