1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

دبئی کا بین الاقوامی فلمی میلہ سج گیا

دبئی کے بین الاقوامی فلم میلے کا آغاز ہوگیا ہے جس میں پچاس سے زائد ممالک کی ڈیڑھ سو سے زائد فلمیں پیش کی جائیں گی۔ میلے کی خاص بات پہلی بار کثیر تعداد میں معیاری عرب سینما کی پیش کش ہے۔

default

دبئی انٹرنیشنل فلم فیسٹیول میں چھ لاکھ ڈالر مالیت کے انعامات تقسیم کئے جائیں گے۔ میلے کے آغاز میں برطانوی ادارکا کولن فیرتھ کو سال کے بہترین بین الاقوامی فلمی ستارے کا اعزاز دیا گیا۔

انہیں ’ دی کنگز سپیچ‘ میں بہترین اداکاری کے جوہر دکھانے پر اس اعزاز کے قابل سمجھا گیا۔ میلے کا آغاز ہی ’ دی کنگز سپیچ‘ کی سکریننگ سے ہوا۔ اس فلم کے ہدایتکار ٹوم ہوپر ہیں۔ کون فیرتھ 1995ء کی ٹیلی ویژن سیریز ’ دی پرائڈ اینڈ دی پریجیڈس‘ میں مسٹر ڈارسی کا کردار نبھا چکے ہیں جبکہ ‘دی کنگز سپیچ‘ میں وہ کنگ جورج ششم کے روپ میں جلوہ گر ہیں۔ گزشتہ سال دبئی فلم فیسٹیول میں بہترین بین الاقوامی فلمی ستارے کا اعزاز سکاٹش ادارکار گیرارڈ بٹلر کو نصیب ہوا تھا۔

امریکی اداکار ہدایتکار و سماجی کارکن شون پین کو لائف ٹائم اچیومنٹ کا تمغہ دینے کا فیصلہ کیا گیا تھا تاہم انہیں ہنگامی طور پر امدادی کاموں کے سلسلے میں ہیٹی جانا پڑا اور تقریب میں شریک نہ ہوسکے۔ پین نے اس اعزاز کو اپنی قدردانی سے تعبیر کیاہے تاہم انہوں نے ہیٹی جانے کو زیادہ ضروری سمجھا۔

Schauspieler Sean Penn bei der Eröffnungsfeier in Cannes

شون پین

دبئی فلمی میلے کے ڈائریکٹر عبدالحامد جمہ نے بتایا، ’’ اس میلے کے ساتویں سالانہ ایڈیشن کی خصوصیت نہ صرف دنیا بھر سے چنیدہ بہترین فلموں کی پیش کش اور عالمی طور پر جانے مانے ٹیلنٹ کی موجودگی ہے بلکہ پہلی بار معیاری روایتی عرب سینما سے بھی بڑی تعداد میں منتخب کی گئی فلمیں ہیں۔‘‘

عبدالحامد جمہ کے مطابق لبنان، عراق، مصر، شام اور مراکش میں بنی مکمل دورانئے کی 12 فلمیں اس مقابلے میں شریک ہیں۔

بھارتی فلم ساز کرن جوہر میلے میں شرکت کے دوران عرب اور بھارتی فلم سازوں کے تجربات سے متعلق مباحثے میں شرکت کریں گے۔ میلے کی منیجنگ ڈائریکٹر شیوانی پانڈیا کا کہنا ہے کہ شرکاء میکسیکو، مصر اور بھارت کی فلمی صنعت سے بہت کچھ سیکھ سکتے ہیں۔ دبئی انٹرنیشنل فلم فیسٹیول 19 دسمبر تک جاری رہے گا۔

رپورٹ: شادی خان سیف

ادارت: عدنان اسحاق

DW.COM

ویب لنکس