1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

خیبر ایجنسی میں آپریشن ، بیت اللہ محسود نے امن مذاکرات ملتوی کر دئے

پاکستان کے قبایلی علاقےخیبر ایجنسی میں دو اسلامی تنظیموں کے مابین جھڑپوں کے آٹھویں روز پاکستانی فوج نے مداخلت کرتے ہوئے علاقے میں کرفیو فافذ کر دیا اور لشکر اسلام کے خلاف کارروائی کرتے ہوئے ان کے کئی ٹھکانے تباہ کر دئے

default

پاکستان کے قبائلی علاقے خیبر ایجنسی میںہفتے کی صبح پاکستانی فوج کے آپریشن کے بعد، پاکستان میں طالبان کے اعلی کمانڈر بیت اللہ محسود نے حکومت کے ساتھ امن مذاکرات ملتوی کر دئے ہیں۔

بیت اللہ محسود نے صحافیوں کو بتایا کہ پاکستانی فورسزز کی طرف سے مسلسل حملوں کے بعد یہ فیصلہ کیا گیا ہے ۔ انہوں نے کہا کہ جب تک یہ فوجی کارروائی بند نہیں کی جاتی مذاکرات کے راستے بند رہیں گے۔

اس سےقبل خیبر ایجنسی میں آج ساتویں روز بھی لشکر اسلام اور انصار اسلام نامی سنی مذہبی تحریکوں کے مابین جاری جھڑپوں کو روکنے کے لئے پاکستانی فوج نے مداخلت کی۔ آخری اطلاعات تک پاکستانی فوج نے لشکر اسلام کے کئی ٹھکانوں کو تباہ کر دیا ہے۔