1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

خطرناک سمندری طوفان Dean اور Sepat

امریکی خلائی ادارے ناسا نے سمندری طوفان ڈِین کے پیشِ نظر خلائی جہاز Endeavour کو پروگرام سے ایک روز پہلے یعنی منگل کو ہی زمین پر واپس آنے کے لئے کہہ دیا ہے۔ اِسی دوران بحیرہء کیریبین اور خلیج میکسیکو کے آس پاس بسنے والے باشندے سمندر سے زیادہ سے زیادہ دور جانے کی کوشش کر رہے ہیں کیونکہ اب اِس طوفان کی ہواؤں کی رفتار بڑھ کر 240 کلومیٹر فی گھنٹہ ہو چکی ہے اور یوں یہ کیٹیگری چار کا طوفان بن چکا ہے۔

default

تاہم ماہرینِ موسمیات کا کہنا ہے کہ آئندہ ہفتے کے وَسط تک یہ طوفان سب سے طاقتور یعنی کیٹیگری پانچ کے طوفان کی شکل اختیار کر لے گا۔ یہ طوفان آج اتوار کو جمیکا پہنچ رہا ہے۔

چین کے جنوب مشرقی ساحلوں کے تقریباً ایک ملین انسان قریب آتے ہوئے Sepat نامی سمندری طوفان سے بچنے کے لئے محفوظ مقامات پر منتقل ہو گئے ہیں۔ سرکاری خبر رساں ادارے کے مطابق صرف صوبے فُوجیان میں پانچ لاکھ چالیس ہزار افراد کو نشیبی علاقوں میں منتقل کیا گیا ہے۔ ماہی گیروں کی پچاس ہزار کشتیاں مختلف بندرگاہوں میں پناہ تلاش کر رہی ہیں۔ ماہرینِ موسمیات نے انتہائی درجے کے خطرے کی پیشین گوئی کی ہے۔