1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

حماس: اسرائیل کو تسلیم کرنے کی شرط قابلِ قبول نہیں

فلسطینی تنظیم حماس نے کہا ہے کہ اگر اسرائیل کے حقِ بقا کو تسیلم کرنا بنیادی شرط ہے تو حماس فتح کے ساتھ مل کر قومی حکومت تشکیل نہیں دے گی۔ یہ بات وزیر اعظم اسماعیل حانیہ کے ایک قریبی ساتھی احمد یوسف نے کہی۔ اس سے پہلے نیویارک میں فلسطینی صدر محمود عباس نے کہا تھا کہ آئندہ کی فلسطینی حکومت اسرائیل کو تسلیم کر لے گی۔

فلسطینی صدر محمود عباس جمعرات 21 ستمبر کو نیویارک میں نائب اسرائیلی وزیر اعظم شمون پیریز کے ساتھ

فلسطینی صدر محمود عباس جمعرات 21 ستمبر کو نیویارک میں نائب اسرائیلی وزیر اعظم شمون پیریز کے ساتھ

اقوامِ متحدہ کی جنرل اسمبلی سے خطاب کرتے ہوئے فلسطینی صدر محمود عباس نے کہا تھا کہ مستقبل کی فلسطینی قومی حکومت، جو حماس اور فتح تحریک مل کر تشکیل دیں گی، اسرائیل کے قائم رہنے کے حق کو تسلیم کر لے گی۔

عباس کے مطابق یہ آئندہ حکومت اسرائیل کے ساتھ گذرے برسوں میں طے ہونے والے تمام سمجھوتوں کی پاسداری کرے گی۔ ان سمجھوتوں میں 1993ء میں ایک دوسرے کے وجود کو تسلیم کرنے کے سلسلے میں طَے ہونے والا سمجھوتہ بھی شامل ہے۔