1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

حافظ سعید کےخلاف انٹرپول کا ریڈکارنر نوٹس

بھارتی میڈیا کے مطابق انٹرپول نے ممبئی حملوں کی منصوبہ بندی کے الزام میں پاکستان میں کالعدم فلاحی تنظیم جماعت الدعوۃ کے سربراہ حافظ محمد سعید کے خلاف ’ریڈ کارنر نوٹس‘ جاری کردیا ہے۔

default

انٹرپول نےحافظ سعید کے خلاف ریڈ کارنر نوٹس جاری کردیا ہے

بھارتی اخبار ہندوستان ٹائمز کے مطابق انٹرپول نے حافظ سعید کے خلاف ریڈ کارنر نوٹس نامی اس وارنٹ کو گزشتہ شب جاری کیا۔ جماعت الدعوۃ کے سربراہ ممبئی حملوں میں ملوث ہونے کے الزامات سے مسلسل انکار کرتے رہے ہیں۔ تنظیم کے ترجمان نے بھارتی میڈیا میں حافظ سعید کے خلاف انٹرپول کی جانب سے ریڈ کارنر نوٹس جاری کرنے کی خبروں کو بھارتی پروپیگنڈا قرار دیا ہے۔

بھارتی حکومت نے حافظ سعید کو گزشتہ سال نومبر میں ممبئی حملوں کا ذمہ دار قرار دیا تھا۔ بھارت کا موقف ہے کہ پاکستان میں مبینہ طور پر سرگرم عسکری تنظیم لشکر طیبہ ان حملوں کے پیچھے ہے اور چونکہ حافظ سعید آج تک اس تنظیم کے سربراہ ہیں، اس لئے وہ ہی ممبئی حملوں کے ذمہ دار ہیں۔

Hafiz Mohammed Saeed

حافظ سعید پر ممبئی حملوں کی منصوبہ بندی کا الزام ہے

حافظ سعید نے پاکستانی حکومت کی جانب سے لشکر طیبہ پر عائد پابندی کے بعد چار سال پہلے ہی اپنی عسکری تنظیم کو تحلیل کردیا تھا۔

ممبئی حملوں کے حوالے سے بھارت کے ان خدشات کے پیش نظر پاکستانی حکومت نے حافظ سعید کو کئی مہینوں تک حراست میں رکھا، تاہم لاہور ہائی کورٹ نے اسی سال جون میں ان کی رہائی کا فیصلہ سنا دیا۔

بھارتی اخبار کے مطابق انٹرپول نے بھارتی تفتیشی ادارے سی بی آئی کی درخواست پر مزکورہ نوٹس جاری کیا ہے۔ ممبئی پولیس کا دعویٰ ہے کہ حافظ سعید ان پینتیس افراد میں شامل ہیں، جنہوں نے ممبئی حملہ آوروں کی تربیت اور معاونت میں اہم کردار ادا کیا۔

رپورٹ: انعام حسن

ادارت: گوہر گیلانی