1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

جیکسن کے دستانے کی نیلامی

معروف پاپ اسٹار مائیکل جیکسن کی بعض ذاتی اشیا کی امریکہ میں نیلامی ہوئی ہے۔ اس موقع پر ان کا ایک دستانہ ایک لاکھ 90 ہزار ڈالر میں فروخت ہوا ہے۔ مرحوم گلوکار نے یہ دستانہ 1994ء کے وکٹری ٹور کے دوران پہنا تھا۔

default

مائیکل جیکسن نے یہ سنہری دستانہ وکٹری ٹور کے دوران پہنا

یہ نیلامی لاس ویگاس میں پلینیٹ ہالی وُڈ کے جولینز آکشنز میں منعقد کی گئی، جہاں مائیکل جیکسن کی 200 سے زائد ذاتی اشیا نیلامی کے لئے پیش کی گئیں۔ ان اشیا کی فروخت سے مجموعی طور پر دس لاکھ ڈالر سے ذرا ہی کم رقم حاصل ہوئی۔ بعض اشیا کی بولی تو اندازے سے دس گُنا زائد تھی۔

نیلامی کے منتظمین نے ایک بیان میں کہا، ’’اس سے ظاہر ہوتا ہے کہ مائیکل جیکسن کتنے بڑے سٹار تھے، ان کی مثال نہیں ملتی۔ ہم نے انہیں کھو کر جانا کہ وہ کتنے کھَرے لیجنڈ تھے۔‘‘

منتظمین نے نیلامی کے نتائج کو حیرت انگیز قرار دیا۔ انہوں نے کہا کہ بولی میں حصہ لینے کے لئے روس اور ایشیا کے مختلف ممالک سے لوگ لاس ویگاس پہنچے۔

- Michael Jackson Trauerfeier Flash-Galerie

مائیکل جیکسن گزشتہ برس جون میں انتقال کر گئے

اس نیلامی میں مائیکل جیکسن کی ایک جیکٹ ایک لاکھ 20 ہزار ڈالر میں فروخت ہوئی، حالانکہ اندازہ تھا کہ اس کے لئے چھ ہزار سے آٹھ ہزار ڈالر تک کی بولی لگائی جائے گی۔ اس موقع پر جیکسن کی ایک ٹوپی کے لئے 56 ہزار ڈالر سے زائد کی بولی لگی۔

گزشتہ برس مائیکل جیکسن کی موت کے بعد ستمبر میں منعقد کرائی گئی ایک نیلامی میں ان کا ایک دستانہ 40 ہزار ڈالر میں فروخت ہوا تھا۔

مائیکل جیکسن نے ایک عرصے تک دنیائے موسیقی پر حکمرانی کی۔ گزشتہ جمعہ کو مائیکل جیکسن کی پہلی برسی منائی گئی۔ اس موقع پر دُنیا بھر میں ان کے پرستاروں نے انہیں خراج عقیدت پیش کیا۔

رپورٹ: ندیم گِل

ادارت: شادی خان سیف

DW.COM