1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

جوہری طاقت کا حامل شمالی کوریا قبول نہیں: امریکہ

امریکہ نے خبردار کیا ہے کہ جوہری طاقت رکھنے والے شمالی کوریا کو تسلیم نہیں کیا جائے گا۔ دریں اثناء اطلاعات کے مطابق شمالی کوریا، بین براعظمی میزائل تجربوں کی تیاریوں میں مصروف ہے۔

default

رابراٹ گیٹس نے کہا کہ وہ شمالی کوریا کو ایک جوہری طاقت کے طور پر قبول نہیں کریں گے۔

امریکی وزیر دفاع رابرٹ گیٹس نے سنگا پور میں جاری ایشیا سیکورٹی کانفرنس کے دوسرے دن ، پیانگ گیانگ کو تنبیہ کی کہ وہ کسی دوسرے ملک کو جوہری مواد منتقل نہ کرے۔ رابرٹ گیٹس نے کہا کہ امریکہ کا مقصد بہت صاف اور واضح ہے کہ کوریائی علاقوں کو جوہری ہتھیاروں سے پاک بنایا جائے۔ انہوں نے کہا کہ وہ شمالی کوریا کو ایک جوہری طاقت کے طور پر قبول نہیں کریں گے۔

رابرٹ گیٹس نے کانفرنس سے خطاب کے دوران مزید کہا کہ شمالی کوریا کی طرف سے ایسے تجربے کرنے سے ایشیا میں ہتھیاروں کے حصول کے لئےایک جنگ شروع ہو سکتی ہے۔ انہوں نے کہا کہ اگر شمالی کوریا نے جوہری مواد کسی دوسرے ملک کو منتقل کیا تو واشنگٹن حکومت، اس بات کا احتساب کرے گی۔ کئی ماہرین کا ماننا ہے کہ شمالی کوریا نے پاکستان سمیت مشرق وسطی میں میزائل ٹیکنالوجی مہیا کرنے کے عوض لاکھوں ڈالرز کمائے ہیں۔

Nordkorea Kurzstreckenrakete Test

شمالی کوریا کی طرف سے مزائل تجربوں سے علاقے میں ہتھیاروں کے حصول کی جنگ شروع ہو سکتی ہے

اقوام متحدہ شمالی کوریا پر پابندیاں عائد کرنے پر غور کر رہا ہے تاہم دوسری طرف کیمونسٹ ملک کوریا نے دھمکی دی ہے کہ ان کی طرف سے کئے گئے تجربوں کی وجہ سے ، اگر اقوام متحدہ کی طرف سے پابندیاں عائد کی گئیں تو وہ اپنے دفاع کا حق رکھتا ہے۔ دریں اثناء پیانگ گیانگ کے اخبار نے کہا ہے کہ طویل فاصلے تک مار کرنے والے میزائل کے تجربے کی تیاریاں چل رہی ہیں اور یہ تجربہ ملک کی مشرقی ساحلی علاقوں سے کیا جائے گا۔

واضح رہے کہ کوریائی علاقوں میں امریکہ کے تقریباﹰ 28,000 فوجی تعینات ہیں تاہم رابرٹ گیٹس نے کہا کہ ابھی تک شمالمی کوریا کا جوہری پروگرام امریکہ کے لئے براہ راست خطرہ نہیں ہے اس لئے امریکہ ، کوریائی علاقوں میں ابھی تک مزید فوجی تعینات کرنے کا کوئی ارادہ نہیں رکھتا۔ امریکی وزیر دفاع، اس تین روزہ کانفرنس کے دوران اپنے جاپانی اور شمالی کوریائی ہم منصب سے ملاقات بھی کریں گے تاکہ اس مسلے پر مزید بات کی جا سکے۔

ہفتے کے روز ایشیا سیکورٹی کانفرنس کے دوسرے دن گیٹس نے افغانستان میں بحالی اور تعمیرنو کے لئے مزید امداد کا مطالبہ بھی کیا۔