1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

جنوبی افریقہ کےخلاف پاکستان کا اچھا کم بیک۔

جنوبی افریقہ میں بُدھ کے روز پاکستان نے شاندار کارکردگی کا مُظاہرہ کرتے ہوئے میچ 141رنز سے اپنے نام کرلیا۔ یہ میچ شہر ڈربَن میں کھیلا گیا۔ پانچ ایک روزہ بین الاقوامی میچوں کی سیریز کے پہلے میچ میں جنوبی اَفریقہ نے پاکستان کو 164رنز سے عبرتناک شکست دی تھی۔لیکن سیریز کے دوسرے میچ میں پاکستان نے اچھا کَم بیک کیا۔فی الحال سیریز ایک ایک سے برابر ہوگئی ہے۔

default

اِس مرتبہ پاکستان نے ٹاس بھی جیتا اور محمد یوسُف کی ناٹ آؤٹ سنچری‘ یونُس خان کے 93رنز‘ بوم بوم آفریدی کی طرف سے چھہ چھکوں اور پانچ چوکوں کی مدد سے 35گیندوں میں 77رنز‘ عمران نذیر کی نصف سنچری‘ محمد آصف کی بہترین باؤلنگ‘ اور ٹیم میں موجود سِپرٹ کی جھلَک کی بدولت میچ میں فتح بھی حاصل کی۔

دوسرے میچ میں پاکستان کی کامیابی اور کَل جُمعہ کو پورٹ الیزیبیتھ میں ہونے والے تیسرے میچ کے حوالے سے پاکستان کے سابِق ٹیسٹ کرکٹر مُدثر نَذر سے لاہور میں ہمارے ساتھی طارِق سعید نے ایک خُصوصی بات چیت کی۔