1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

جنرل اسمبلی نے بان کی مون کو پھر منتخب کر لیا

اقوام متحدہ کی جنرل اسمبلی نے متفقہ طور پر سیکریٹری جنرل بان کی مون کو دوسری مدت کے لیے منتخب کرلیا ہے۔

default

بان کی مون

منگل کے روز اقوام متحدہ کی جنرل اسمبلی کے اراکین نے متفقہ طور پر سیکریٹری جنرل بان کی مون کو پانچ برس کے لیے مزید ایک اور مدت کے لیے منتخب کرلیا ہے۔ بان کی مون کو امریکہ سمیت متعدد عالمی طاقتوں کی حمایت حاصل ہے۔

جنوبی کوریا کے سابق وزیر خارجہ بان کی مون نے سن دو ہزار سات میں اقوام متحدہ کے سیکریٹری جنرل کا عہدہ سنبھالا تھا۔ ان سے قبل ادارے کے سیکریٹری جنرل کے فرائض کوفی عنان انجام دے رہے تھے۔

Vereinte Nationen Ban Ki-moon Libyen

جنرل اسمبلی نے بان کی مون کو متفقہ طور پر منتخب کیا

سڑسٹھ سالہ بان کی مون کا دوبارہ منتخب ہونا یقینی تصور کیا جا رہا تھا کیوں کہ سلامتی کونسل نے گزشتہ ہفتے بان کی مون کو دوبارہ منتخب کرنے کی سفارش کی تھی۔

بان کی مون نے اپنے دوبارہ انتخاب کے بعد صحافیوں سے بات کرتے ہوئے اقوام متحدہ کے رکن ممالک کا شکریہ ادا کیا اور کہا کہ یہ ان کے لیے ایک بڑا اعزاز ہے۔ ان کا اس موقع پر یہ بھی کہنا تھا کہ ابھی بہت سا کام ایسا ہے جو انہیں مکمل کرنا ہے۔ ’بے شمار لوگ بنیادی انسانی حقوق سے محروم ہیں۔ بے شمار انسان بھوکے ہیں۔ بے شمار بچے بے وجہ موت کا شکار ہو جاتے ہیں۔ اقوام متحدہ کی اس وقت جتنی ضرورت ہے وہ پہلے کبھی نہیں تھی،‘ بان کی مون کے الفاظ۔

اقوام متحدہ کے لیے امریکی سفیر سوزن رائس نے بان کی مون کے دوبارہ انتخاب کا خیر مقدم کیا ہے اور بان کی مون کی ادارے کے لیے خدمات کی تعریف کی ہے۔

خیال رہے کہ دنیا کے تمام علاقائی گروپس نے بان کی مون کی حمایت کی ہے۔ لاطینی امریکہ اور کیریبیئن گروپ نے سب سے آخر میں بان کی مون کو دوبارہ منتخب کرنے کی حمایت کی۔

رپورٹ: شامل شمس⁄ خبر رساں ادارے

ادارت: ندیم گِل

DW.COM