1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

جرمن کھلاڑی میڈل چبانے کی وجہ سے دانت تڑوا بیٹھے

سرمائی اولمپکس مقابلوں میں Luge کھیلوں میں چاندی کا میڈل جیتنے والے جرمن کھلاڑی ڈیوڈ مؤلر تقریب انعامت کے دوران اپنا ہی میڈل چبانے کی وجہ سے دانت کا ایک حصہ تڑوا بیٹھے۔

default

گولڈ میڈلست گیلکس لوخ ، دائیں اور بائیں ڈیوڈ مؤلر

جرمن اخبار دی بلڈ کے مطابق کینیڈا میں جاری اکیسویں سرمائی اولمپکس مقابلوں میں چاندی کا میڈل جیتنے والے کھلاڑی ڈیوڈ مؤلر کو اس وقت کافی زیادہ شرمندگی اٹھانا پڑی جب وہ وکٹری اسٹینڈ پر پہنچے اور انعام حاصل کرنے کے بعد تصویریں کھنچواتے ہوئے ،اپنا میڈل چبانے لگے۔ اس دوران میڈل چبانے کی وجہ سے ان کے سامنے والے ایک دانت کا ایک حصہ ٹوٹ گیا۔ اور فوری طبی امداد کے لئے انہیں ڈاکٹر کے پاس جانا پڑا۔

Olympische Winterspiele 2010 in Vancouver David Möller

ڈیوڈ مؤلر دوسرے نمبر پر آنے کے بعد

اٹھائیس سالہ مؤلر نے اس واقعہ کی تفصیل بیان کرتے ہوئے دی بلڈ کو بتایا :’’ فوٹو گرافر چاہتے تھے کہ ہم تقریب انعامات کے دوران اپنے اپنے میڈل دانتوں میں چبائیں ، اور جب میں نے اپنا میڈل دانتوں میں لیا اور اسے چبایا تو اس دوران میرے سامنے والے دانت کا ایک حصہ ٹوٹ گیا۔‘‘

Luge کھیل کے کھلاڑی مؤولر نے مزید کہا: ’’ یہ تکلیف دہ نہیں تھا ۔۔۔ لیکن مجھے اس لئے برا لگا کیونکہ میں مسکرا نہ سکا۔ میں اولمپکس مقابلوں میں اپنے اس انعام کو جیتنے کی خوشی منانے اور اس کو یادگار بنانے کے لئے تصویریں بنوانا چاہتا تھا اس لئے میں فوری طور پر ڈاکٹر کے پاس گیا ، تاکہ وہ اس کا علاج کر سکے‘‘۔

رپورٹ: عاطف بلوچ

ادارت: کشور مصطفیٰ

DW.COM