1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

’جرمن پولیس نے پیزا ڈیلیوری شروع کر دی‘

جرمن صوبے باڈن ورٹمبرگ میں ایک ہنگامی صورتحال میں پولیس کو پیزا گاہکوں تک پہنچانا پڑ گیا۔ پولیس ترجمان کے مطابق پیزا ٹھنڈا ہونے سے قبل ہی ڈیلیور کر دیا گیا تھا۔

 خبر رساں ادارے ڈی پی اے نے انتیس اپریل بروز ہفتہ ایک رپورٹ میں لکھا ہے کہ جنوب مغربی جرمن ریاست باڈن ورٹمبرگ میں پیزا ڈیلیوری وین کو پیش آنے والے ایک حادثے کے بعد پولیس اہلکاروں نے ہی اس گاڑی میں موجود آرڈر لوگوں کے گھروں تک پہنچا دیے۔ بتایا گیا ہے کہ یہ واقعہ ہفتے کی صبح رونما ہوا۔

’پیزا بوائز‘ کے ہاتھوں انتہائی مطلوب مافیا لیڈر گرفتار

پاکستان میں دنیا کا سب سے بڑا پیزا

جو خوراک بچوں کو موٹا کرے، اس پر اضافی ٹیکس

محکمہٴ پولیس کی طرف سے بتایا گیا ہے کہ جرمن شہر اشٹٹ گارٹ سے سو کلو میٹر دور مغرب میں واقع گاگیناؤ نامی ٹاؤن میں پیزا ڈیلیوری وین ایک اور گاڑی سے ٹکرا گئی۔ اگرچہ اس حادثے کی وجوہات جاننے کی کوشش  شروع کر دی گئی ہے تاہم ابتدائی طور پر معلوم ہوا ہے کہ یہ حادثہ غالباً پیزا ڈیلیوری وین کے ڈرائیور کی لاپرواہی کی وجہ سے رونما ہوا ہے۔

Autounfall Unfall Auffahrunfall Zusammenprall (picture-alliance/dpa/F.Rumpenhorst)

تایا گیا ہے کہ یہ واقعہ ہفتے کی صبح رونما ہوا

مقامی میڈیا کے مطابق پیزا ڈیلیوری وین کی ٹکر طبی ساز و سامان ٹرانسپورٹ کرنے والی ایک گاڑی سے ہوئی، جس کی وجہ سے ٹریفک لائٹ اور ایک اسٹریٹ لائٹ کو بھی نقصان پہنچا۔ اس حادثے کے باعث دونوں ڈرائیور شدید زخمی ہو گئے، جنہیں فوری طور پر ہسپتال منتقل کر دیا گیا۔

اسی دوران پولیس اہلکاروں نے پیزا ڈیلیوری وین میں موجود آرڈرز کو اپنی کاریں استعمال کرتے ہوئے گھر گھر پہنچا دیا۔ پولیس ترجمان نے بتایا کہ جب پیزا ڈیلیور کیا گیا تو وہ گرم ہی تھا، ’’جہاں یہ حادثہ رونما ہوا، پیزا وہیں قریب کے علاقے میں ہی پہنچانا تھا۔ اس لیے یہ کام ہم نے مکمل کر دیا۔‘‘

DW.COM