1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

مہاجرین کا بحران

جرمن معاشرے میں انضمام کے لیے ’ذہانت کا ٹیسٹ‘

جرمن صوبے زارلینڈ کے وزیر داخلہ نے کہا ہے کہ مہاجرین کا آئی کیو ٹیسٹ کرانے پر غور کیا جا رہا ہے تاکہ ان کا معاشرے میں تیزی سے انضمام ممکن ہو سکے۔

جرمن خبر رساں ادارے ڈی پی اے نے بتایا ہے کہ زارلینڈ کی صوبائی حکومت غور کر رہی ہے کہ مہاجرین کی ذہانت کا ٹیسٹ (آئی کیو ٹیسٹ) کرایا جائے تاکہ ذہین اور قابل مہاجرین کی شناخت ممکن ہو سکے۔ اس کا مقصد معاشرے میں ان کے انضمام کے عمل کو تیز بنانا بتایا گیا ہے۔

زارلینڈ کے وزیر داخلہ کلاؤس بولیوں نے روزنامے ’رائنیشے پوسٹ‘ سے گفتگو کرتے ہوئے کہا، ’’ہم ایک پائلٹ منصوبے کو شروع کرنا چاہتے ہیں۔ اس میں مہاجرین کی ذہانت کے بارے میں معلومات جمع کی جائیں گی۔ یوں ہمیں معلوم ہو سکے گا کہ ان کی قابلیت کیا ہے اور وہ کس شعبے میں زیادہ بہتری سے کام کر سکتے ہیں۔ اس طرح یہ بھی واضح ہو جائے گا کہ انہیں کس قسم کی تربیت کی ضرورت ہے۔‘‘

جب بولیوں سے پوچھا گیا کہ اس منصوبے کا آغاز کس طرح کیا جائے گا تو انہوں نے کہا کہ چھ سو تا سات سو مہاجرین رضا کارانہ طور پر منتخب کیے جائیں گے، ’’دراصل یہ وفاقی روزگار کے ادارے اور دیگر لیبر ماہرین کے ساتھ اشتراک کا عمل ہو گا۔‘‘

جرمن سیاستدان مہاجرین کی لیبر مارکیٹ تک رسائی دینے کے حوالے سے انتہائی محتاط رویہ رکھتے ہیں۔ تاہم بولیوں کے اس منصوبے کو خاص پذیرائی ابھی تک نہیں مل سکی ہے۔

زارلینڈ میں سوشل ڈیموکریٹ سیاستدان پیٹرا برگ کا کہنا ہے کہ یہ منصوبہ امتیازی رویوں کو جنم دے سکتا ہے، ’’یہ تجویز غلط ہے اور ذہانت بھری سوچ سے عاری ہے۔ انہوں نے مزید کہا کہ اس طرح دقیانوسی تصورات کو تقویت ملے گی جبکہ چناؤ کا امتیازی طریقہ بھی فروغ پائے گا۔ پیٹرا برگ کے بقول بالخصوس مہاجرین کے بحران کے تناظر میں ذہانت کو شماریاتی انداز میں ماپا نہیں جا سکتا ہے۔

ویڈیو دیکھیے 02:59

جرمنی: مہاجرین کی پیشہ ورانہ تربیت شروع

کلاؤس بولیوں نے اپنے انٹرویو میں ممکنہ دہشت گردی کے خطرے کی طرف بھی اشارہ کیا۔ انہوں نے کہا کہ مہاجرین کے روپ میں کئی خطرناک لوگ بھی جرمنی میں داخل ہوئے ہیں۔ بولیوں نے کہا کہ ممکنہ خطرناک افراد کی شناخت کے لیے جرمنی کے مسلمان ذرائع کو زیادہ تعاون کرنے کی ضرورت ہے۔

DW.COM

Audios and videos on the topic