1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

جرمن قومی فٹ بال لیگ میں شالکے 04 بدستور پہلے نمبر پر

ِSchalke 04 نام ہے، اُس جرمن ٹیم کا، جو جرمن قومی فٹ بال لیگ کے اِس سیزن میں جرمن چیمپئن بننے کا پختہ عزم کئے ہوئے ہے۔ جمعے کے روز اِس ٹیم نے حریف VfL Bochum کی ٹیم کو ایک کے مقابلے میں دو گول سے ہرا دیا اور یوں اب تک کی مجموعی کارکردگی کے اعتبار سے اپنی پہلی پوزیشن برقرار رکھی۔ اب تک شالکے کی ٹیم کی یہ مسلسل چوتھی فتح تھی۔

شالکے کے برازیل سے تعلق رکھنے والے کھلاڑی Rafinha نے 19ویں منٹ میں گول کرتے ہوئے اپنی ٹیم کو ایک صفر کی برتری دلائی

شالکے کے برازیل سے تعلق رکھنے والے کھلاڑی Rafinha نے 19ویں منٹ میں گول کرتے ہوئے اپنی ٹیم کو ایک صفر کی برتری دلائی

اب تک مجموعی کارکردگی کے اعتبار سے Schalke 04 کی ٹیم 29 پوائنٹس کے ساتھ پہلے نمبر پر ہے۔ 24 پوائنٹس کے ساتھ Werder Bremen کی ٹیم دوسرے، VfB Stuttgart کی ٹیم تیسرے جبکہ Bayern Munich کی ٹیم چوتھے نمبر پر جا رہی ہے۔

جرمن شہر Gelsenkirchen کی شالکے 04 ٹیم نے 1958ء کے بعد سے اب تک ایک بار بھی قومی چیمپئن بننے کا اعزاز حاصل نہیں کیا۔ سن 2001ء میں البتہ یہ ٹیم اِس منزل کے حصول کے بہت قریب پہنچ گئی تھی، جب Bayern کی ٹیم سے محض ایک پوائنٹ پیچھے رہی تھی۔