1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

جرمن فٹ بال لیگ: وولفس برگ مسلسل سب سے آگے

جرمنی میں فٹ بال کے فیڈرل لیگ کہلانے والے امسالہ قومی چیمپئین شپ مقابلوں میں 27 ویں گیم ڈے کی تکمیل کے بعد بھی وولفس برگ کی ٹیم اپنے 54 پوائنٹس کے ساتھ پوائنٹ ٹیبل پر ابھی بھی سب سے آگے ہے۔

default

وولفس برگ کے کھلاڑی Sascha Riether میونشن گلاڈ باخ کے خلاف گول کرنے کے بعد خوشی مناتے ہوئے

ان میچوں میں بائیرن میونخ کی ٹیم نے فرینکفرٹ کو چار صفر سے اور وولفس برگ کی ٹیم نے میونشن گلاڈ باخ کو ایک کے مقابلے میں دو گول سے ہرا دیا۔ ہیرتھا برلن کی ٹیم کو ہنوور کے خلاف اپنے میچ میں صفر کے مقابلے میں دو گول سے ناکامی ہوئی جبکہ شالکے کی ٹیم نے کارلسروہے پر دو صفر سے فتح حاصل کی۔

اس کے علاوہ کولون کی ٹیم ڈورٹمنڈ کے خلاف اپنا میچ ایک تین سے ہار گئی اور ہوفن ہائیم کی ٹیم کو بوخم کے خلاف صفر کے مقابلے میں تین گول سے ناکامی کا منہہ دیکھنا پڑا۔

جرمنی میں اس سال بنڈیس لیگا کے 46 ویں سالانہ سیزن کے مقابلے جاری ہیں جن میں ہر ہفتہ ہی جمعہ کی دوپہر سے لے کر اتوار کی شام تک کل 18 ٹیموں کے مابین یوں تو نو میچ کھیلے جاتے ہیں لیکن مجموعی طور پر ان مقابلوں کو بنڈیس لیگا کے میچوں کے حوالے سے کھیل کا ایک ہی دن تصور کیا جاتا ہے۔

موجودہ ویک اینڈ امسالہ چیمپئین شپ کا 27 واں گیم ڈے ہے جس کے باقی دو میچ اتوار کی شام کھیلے جائیں گے۔ ان میچوں میں سے ایک میں ہیمبرگ کا مقابلہ شٹٹ گارٹ سے اور دوسرے میں لیور کوزن کا مقابلہ بریمن سے ہوگا۔

Fußball Bundesliga München Frankfurt

بائیرن میونخ کے کھلاڑی LuciO فرینکفرٹ کے خلاف گول کرنے کے بعد

جرمنی اور یورپ میں پانچ دنوں میں دو میچ ہارنے کے بعد بائیرن میونخ کی ٹیم نے ہفتہ کی شام میونخ میں اپنے ہوم گراؤنڈ پر فرینکفرٹ کی ٹیم کو صفر کے مقابلے میں چار گول کے متاثر کن فرق سے جو شکست دی اس کے بعد میونخ کی ٹیم فیڈرل لیگ میں اس وقت سب سے زیادہ پوائنٹس رکھنے والی وولفس برگ کی ٹیم سے محض تین پوائنٹ پیچھے رہ گئی ہے۔ ہفتہ کی شام ہنوور کی ٹیم کے ہاتھوں ہیرتھا برلن کی دو صفر سے شکست کی وجہ سے برلن کی ٹیم کی امسالہ چیمپیئن شپ جیتنے کی خواہش کو خاصا نقصان پہنچا۔