1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

جرمن فٹ بال لیگ: میونخ اور ہیمبرگ کو شکست کا سامنا

جرمن فٹ بال لیگ کے مقابلوں میں بائرن میونخ اور ہیمبرگ کی ٹیموں کو ٹورنامنٹ جیتنے کی ریس میں زبردست دھچکا لگا ہے اور ان کی شکست نے پہلی پوزیشن کی حامل وولفسبرگ کو عمدہ موقع دیا کہ وہ اپنی پوائنٹس کی سبقتمیں اضافہ کر لے۔

default

ڈراٹمنڈ کے سباسطیئن کیہل، ہیمبرگ کے خلاف گول کرتے ہوئے۔

ہفتہ کے روز کھیلے جانے والے جرمن قومی فٹ بال لیگ یا بندس لیگا کے انتسویں میچ ڈے کے سلسلے میں چھ میچ کھیلے گئے۔ کل نو میچوں میں سے بقیہ دو اتوار کو کھیلے جائیں گے۔

مقابلوں میں بائرن میونخ اور ہیمبرگ کی ٹیمیں شکست سے دوچار ہوئیں۔ بائرن میونخ کو ہوم گراؤنڈ میں شالکے نے ایک صفر سے ہرا دیا جب کہ ہیمبرگ کی ٹیم ڈورٹمنڈ سے دو صفر سے ہار گئی۔

Fußball Bundesliga DSC Bayer Leverkusen - Karlsruher SC Sebastian Langkamp

ہفتہ کے روز ایک میچ لیورکوزن اور کارلس روہے کے درمیان بھی کھیلا گیا۔ کارلس روہے نے یہ میچ لیور کوزن کو ایک صفر سے ہرا دیا

شالکے سے میونخ کی ٹیم کا ہارنا خاصا حران کُن تھا۔ شالکے پوائنٹس ٹیبل پر میچ سے قبل چھٹی پوزیشن پر تھی۔ میچ جبت کر بھی وہ اُسی پوزیشن پر ہے۔ مگر اِس سے میونخ اب تیسرے مقام پر پہنچ گئی ہے۔

شالکے کی ٹیم نے بائرن میونخ کے خلاف گول میچ شروع ہونے کے اکیس منٹ بعد ہی کردیا تھا اور اس کے بعد میونخ کی ٹیم اس گول کو برابر کرنے کی کوششوں کے باوجود ناکامی سے دوچار رہی۔ دوسری جانب ڈارٹمنڈ نے ہیمبرگ کے خلاف پہلا گول میچ کے بتیسویں منٹ اور دوسرا پینیلٹی کک کے ذریعے میں کے نوّے ویں منٹ میں کیا۔

ہیمبرگ کی ٹیم کو ڈورٹمنڈ کی مضبوط دفاعی کھیل پیش کرنے والی ٹیم سے دو گول کے ساتھ ہارنے کے بعد ایک پوزیشن نیچے آ گئی ہے۔ ڈورٹمنڈ کو بنڈس لیگا کی ایک مشکل ٹیم قرار دیا جاتا ہے جو اپنے ڈیفنس پر انحصار کرتے ہوئے مخالف ٹیم کو ناکوں چنے چبانے کی صلاحیت رکھتی ہے۔

Fußball Bundesliga FC Bayern München - FC Schalke 04 Halil Altintop

میونخ ٹیم کے خلاف میچ کے دوران شالکے کھلاڑیوں کی صف بندی

اس طرح لیگ کی سب سے مضبوط ٹیم وولفس برگ کو تین پوائنٹس کی سبقت حاصل ہے اور اگر اتوار کے روز وہ کوٹ بوس کو ہرانے میں کامیاب ہوجاتی ہے تو وولفسبرگ کو پانچ پوائنٹس کے ساتھ اپنی پہلی پوزیشن کے حوالے سے قریب ترین ٹیم پر سبقت حاصل ہوجائے گی۔ کاٹ بُس کی ٹیم سردست کسی بہتر کارکردگی سے عاری دکھائی دے رہی ہے اور دوسری جانب وولفس برگ ٹیم کے حوصلے آسمان کو چُھو رہے ہیں۔ امکاناً وہ اپنا یہ میچ جبت کر اپنی پہلی پوزیشن کو مزید استحکام دینے میں کامیاب رہے گی۔

ہیرتھا برلن کی ٹیم جمعہ کے روز ہافن ہائیم کی ٹیم کو ہرا کر دوسری پوزیشن حاصل کی تھی۔ اگر میونخ جیت جاتی تو پوائنٹس ٹیبل پر خاصا ردو بدل ہوتا مگر جمعہ کے میچوں کے نتیجے سے ہیرتھا کی دوسری پوزیشن قائم و دائم ہے۔

Bundesliga Wolfsburg gegen Leverkusen

وولفس برگ کی ٹیم میں نمایاں کردار ادا کرنے والے فارورڈ کھلاڑی Grafite

البتہ اشٹٹ گارٹ کی ٹیم نے فریینکفرٹ کی ٹیم کو شکست سے دوچار کرنے کے بعد پوائنٹس ٹیبل پر مزید ایک قدم اوپر پہنچ گئی ہے۔اب وہ بندس لیگا میں چوتھی پوزیشن پر براجمان ہے۔

بنڈس لیگا کا ایک اور میچ بریمن اور بوخم کے درمیان کھیلا گیا۔ یہ میچ بریمن نے دو کے مقابلے میں تین گول سے جیت لیا۔

اتوار کے میچ وولفس برگ کی ٹیم کی وجہ سے اہم ہیں وگرنہ اُن کی حثیت ثانوی ہے۔ کیونکہ اگر وولفس برگ میچ نہیں جیت پاتی تب بھی وہ پہلی پوزیشن پر براجمان رہے گی جب کہ مؤنشن گلاڈ باخ اور آرمینیا بیلے فیلڈ کا میچ انتہائی کم اہمیت کا حامل ہے۔

بنڈس لیگا میں اب کُل مزید پانچ اور میچ ڈے رہ گئے ہیں۔ تیسویں میچ ڈے میچ پہلی مئی سے لیکر تین مئی تک کھیلے جائیں گے۔ وولفس برگ کا مقابلہ دو مئی کو ہوفن ہائیم کے ساتھ ہے۔