1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

جرمن فٹ بال لیگ : بنڈس لیگا

جرمنی کی قومی فٹ بال لیگ میں ہفتے کو چھ میچ کھیلے گئے جس میں بائرن میونخ ٹیم کی شاندار جیت نے اُس کی پوزیشن کو بہتر کردیا ہے۔ اگلے میچوں میں ایسی کارکردگی سے بائرن میونخ کی ٹیم اپنے اعزاز کا دفاع یقیناً کر سکے گی۔

default

ہیٹ ٹرک یعنی تین گول کرنے والے فٹ بالر Andriy Voronin

جرمنی کی قومی فٹ بال لیگ کے تیئسویں میچ ڈے کے دوران گزشتہ روز چھ میچ کھیلے گئے اور اکثر نتائج حسب توقع تھے سوائے مؤنشن گلاڈباخ ٹیم کی کامیابی کے۔ اُس کے میچ جیتنے سے اُس کی پوزیشن میں کوئی بڑا فرق تو نہیں آ یا البتہ ہیمبرگ کی ٹیم کو خاصا نقصان پہنچا ہے۔

Fußball Bundesliga Energie Cottbus Hertha BSC Berlin

ہیرتھا اور انرگی کاٹ بُس کے میچ کا منظر

مؤنشن گلاڈ باخ سے ہیمبرگ کی ٹیم ایک کے مقابلے میں چار گولوں سے ہار گئی اور اُس کے چیمپیئن بننے کے خوابوں کو سخت دہچکا پہنچا ہے۔ اِس کامیابی سے مؤنشن گلاڈ باخ کی ٹیم پوائنٹس ٹیبل کے سب سے نچلے مقام سے ایک قدم اوپر ہو گئی ہے۔

گزشتہ روز بائرن کی ٹیم کو شاندار کامیابی حاصل ہوئی۔ ہے نوور کی ٹیم کو اُس نے ایک کے مقابلے میں پانچ گولوں سے شکست دی۔ اِس کامیابی سے وہ ایک بار پھر بلندی کی طرف پہچنے کی کوشش میں ہے۔ وہ اب ہوفن ہائیم کے بعد تیسری پوزیشن پر ہے۔

Deutschland Fußball Jürgen Klinsmann neuer Trainer bei Bayern München

بائرن میونخ کے کوچ کلنز مان

ویسے یہ دونوں ٹیمیں دوسرے مقام پر براجمان ہیں۔ ہوفن ہائیم کی ٹیم اگر میچ جیت لیتی تو وہ پوائنٹس کو بہتر کر سکتی تھی مگر وہ اب دوسری پوزیشن پر ہے۔ اُس کا میچ بریمن کی ٹیم کے ساتھ بغیر کسی گول کے برابر رہا۔ یائرن میونخ اور ہوفن ہائیم ٹیموں کے بیالیس بیالیس پوائنٹ ہیں۔

بائرن میونخ کی ٹیم کی کامیابی سے اُس کے کوچ کلنز مان کو بھی خاصا حوصلہ حاصل ہوا ہے۔ وگرنہ ایسے اندازے لگائے جا رہے تھے کہ اُن کے بائرن کی ٹیم کے ساتھ کوچنگ کے دِن گنے جا چکے ہیں۔ اِس کامیابی پر کوچ کلنز من نے مسرت کا اظہار کیا ہے۔

بنڈس لیگا کے پوائنٹس ٹیبل پر برلن کی ہیرتھا کلب نے گزشتہ روز کامیابی حاصل کر کے اپنی پہلی پوزیشن کو مزید استحکام دیا ہے۔ اُس کے کُل پوائنٹ کی تعداد اب چھیالیس ہو گئی ہے۔ ہیرتھا کی ٹیم نے ایف سی انرگی یا Energie Cottbus ٹیم کو ایک کے مقابلے میں تین گول سے ہرایا۔

Bundesliga Logo der Fussball-Bundesliga und Logos der 18 teilnehmenden Vereine

بنڈس لیگا کا لوگو

ہیرتھا ٹیم کے کھلاڑی Andriy Voronin کے شاندار ہیٹ ٹرک بھی ہے۔ اِس کامیابی سے ہیرتھا کو اپنی قریب ترین ٹیم سے چار پوائنٹ کی برتری حاصل ہے۔ اگر برلن کی ہیرتھا اپنی کامیابیوں کا سلسلہ جاری رکھتی ہے اور وہ چیمپیئن شپ جیتنے میں کامیاب ہو جاتی ہے تو سن اُنیس سو اکتیس کے بعد وہ لیگ چیمپیئن بن سکے گی۔

چوتھی پوزیشن پر Wolfsburg کی ٹیم ہے۔ گزشتہ روز اُس نے اپنے پانچویں میچ میں مسلسل کامیابی حاصل کی ہے۔ ہفتے کی شام کو اُس نے Karlsruhe کی ٹیم کو ایک گول سے شکست دی۔

ہفتے کے دِن چھ میچوں کے بعد پوائنٹس ٹیبل پر ایک دلچسپ صورت حال ہے۔ چار ٹیموں کے بیالیس بیالیس پوائنٹ ہیں۔ اُن میں بائرن میونخ اور ہوفن ہائیم کی ٹیمیں گول اوسط کی بنیاد ویسے تو مشترکہ طور پر دوسری پوزیشن پر ہیں مگر پوائنٹس ٹیبل پر اُن کی درجہ بندی دوسری اور تیسری پوزیشن والی ٹیموں کی ہے۔ بیالیس پوائنٹس کے ساتھ Wolfsburg کی ٹیم چو تھے مقام پر ہے اور بیالیس پوائنٹس کے ساتھ ہیمبرگ کی ٹیم پانچویں پوزیشن پر ہے۔

آج اتوار کو بھی دو میچ شیڈیول ہیں لیکن اُن کے نتائج سے ٹاپ پوزیشن میں کوئی تبدیلی ممکن نہیں ہے۔