1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

جرمن شہر ڈُوئسبرگ میں آتشزدگی، کم از کم دو افراد ہلاک

جرمنی کے مغربی شہر ڈُوئسبرگ میں آتشزدگی کے ایک واقعے میں کم از کم دو افراد ہلاک ہو گئے۔ اس واقعے میں کئی افراد کے زخمی ہونے کی بھی اطلاع ہے، جن میں چند بچے بھی شامل ہیں۔

جرمنی کے سب سے زیادہ آبادی والے صوبے نارتھ رائن ویسٹ فیلیا میں رُوہر کے علاقے کے شہر ڈُوئسبرگ کے اُنٹرمائیڈرِش نامی حصے میں آتشزدگی کے اس واقعے میں دو افراد کے جل کر ہلاک ہو جانے کی حکام نے تصدیق کر دی ہے۔ پولیس کے مطابق دونوں ہلاک شدگان کی فوری طور پر شناخت نہیں ہو سکی، جس کے بعد اب ان لاشوں کا پوسٹ مارٹم کیا جائے گا۔ یہ لاشیں فائر بریگیڈ کے کارکنوں کو پوری طرح جل جانے والی رہائشی عمارت کی پہلی منزل سے ملی تھیں۔

دبئی میں 86 منزلہ عمارت شعلوں کی لپیٹ میں

پرتگال: جنگلاتی آگ میں پچاس سے زائد ہلاکتیں

لندن ٹاور آتشزدگی، ہلاکتوں کی تعداد 58 ہو گئی

آتشزدگی کی وجہ سے اس عمارت کے کئی رہائشی شدید زخمی بھی ہو گئے۔ ان میں سے کم از کم چار افراد بری طرح جھلسے ہوئے ہیں، اور ہسپتال میں ان کی حالت تشویش ناک بتائی گئی ہے۔ زخمیوں میں سے چھ کو، جن میں متعدد بچے بھی شامل تھے، ابتدائی مرہم پٹی کے بعد ہسپتال سے فارغ کر دیا گیا۔

امدادی کارکن ابھی تک اس رہائشی عمارت میں ان چار افراد کو ڈھونڈ رہے ہیں، جو تاحال لاپتہ ہیں۔

Deutschland Duisburg - Wohnungsbrand mit zwei Toten (picture-alliance/dpa/R. Weihrauch)

عمارت میں یہ آگ اتوار تین ستمبر اور پیر چار ستمبر کی درمیانی رات کو لگی، جس کی وجہ ابھی تک واضح نہیں ہے

پولیس کے مطابق یہ آگ ایک تین منزلہ عمارت میں لگی، جس کے بعد اس میں موجود کئی افراد کو فائر بریگیڈ کے کارکنوں نے مختلف کھڑکیوں سے کود کر جان بچانے میں مدد دی۔ ان افراد کے لیے فی الفور زمین پر ہوا سے بھرے ہوئے بڑے بڑے گدے بچھا دیے گئے تھے۔ یہ متاثرہ افراد سیڑھیوں کے راستے جلتی ہوئی عمارت سے اس لیے باہر نہیں آ سکتے تھے کہ ہنگامی انخلاء کا راستہ گہرے زہریلے دھوئیں سے بھرا ہوا تھا۔

اس عمارت میں یہ آگ اتوار تین ستمبر اور پیر چار ستمبر کی درمیانی رات کو لگی، جس کی وجہ ابھی تک واضح نہیں ہے۔

ویڈیو دیکھیے 00:42

مکمل پبلک انکوائری ہونا چاہیے، برطانوی وزیر اعظم

DW.COM

Audios and videos on the topic